КИНО
зат есім. 1. өнертану. Кинематографияның техникалық негізінде қалыптасқан көркем шығармашылық түрі. 2. сөйлеу. Кинофильмді түсіріп, оны көрсететін құрал. 3. сөйлеу. Кинотеатр. 4. сөйлеу. Кинофильм. 5. Кинематографиялық деген мағынада жұмсалатын, күрделі сөздердің алғашқы сыңары. Кино аспаптары. Фильмдерді (бейне ке скіндерді) жасауға, редакциялауға және қайталап көруге (жаңғыртуға) арналған аспаптық құралдар жиынтығы. Киноға түсірді. сөйлеу. Бейнекамераға түсірді. Киноға түсу. Көркем фильмнің кейіпкері болып ойнау. Кино өнері. Аудиовизиялық коммуникация құралдарына (телевизия, бейнекассета, бейнедиск, голография) негізделген шығармаларды қамтитын экран өнерінің негізгі бөлігі. Кино өнеркәсібі. Фильмдер жасау, оларды көрсету, көбейтіп басу ісінде қолданылатын техникалық аспаптар мен жабдықтар өндіретін өнеркәсіп саласы. Кино тарихы. Кино өнерінің қалыптасу, даму жолдарын зерттейтін өнертану ғылымының саласы. Кино теориясы. Киноның негізгі принциптерін, табиғатын және оның түрлерінің ерекшеліктерін зерттейтін өнертану ғылымының саласы. Кино техникасы. Кино түсірудің, көбейтудің және көрсетудің құралжабдықтарын, әдістері мен тәсілдерін жасайтын техника саласы, кинематографияда қолданылатын техникалық құралдардың жиынтығы.