СУРЕТ
зат есім. 1. Қарындашпен, қауырсынмен, бормен, бояумен салынған бейне. 2. Бір заттың қағазға не басқа бір нәрсеге түсірілген бейнесі, келбеті. 3. Бейнені, кескінкелбетті салу өнері. 4. Фотография, мүсін, скульптурада бейнеленген, түсірілген кескін, кескіндеме. 5. сөйлеу. Нәрсенің кескінін оптикалық аппарат арқылы жарық сезгіш материалға түсіріліп алынған фотосурет. 6. ауыспалы мағына. Даланың, табиғаттың әсем көрінісі. Сурет галереясы. өнертану. Негізінен бірыңғай кескіндеме туындылары жинақталатын көркем- сурет мұражайы. Сурет жазу. өнертану. Жазудың сурет өнерімен байланысты синкретті ең алғашқы түрі. Суретке түсті. а) Фотоаппарат арқылы бейнеленді. ә) Елестеді, көрінді.