АУА
1омоним [ араб тілі. ] зат есім. 1. Сыртқы ортаның тіршілікке, тыныс алу үшін аса қажеттi мәндi бөлшегi; түссіз, иіссіз зат есім. 2. физикалық. Жер атмосферасын құрайтын газ тәріздi заттардың жалпы жиынтығы; атмосфера. Ауа ағыны. физикалық. Ауырлық күшi әсерінен суық ауаның беткей бойынша төмен орын ауыстыруы (суық ауа жылы ауадан ауырлау болады). Ауа айдағыш. техникалық. Байыту фабрикаларында вакуумсүзгіштер құрамына кіретін құрылғы. Ауа айналып жерге түскендей. Өте ыстық, тымырсық. Ауа алмасу. физикалық. Ауаның ауысып тұруы. Ауа баптау. техникалық. Жабықбөлмелердегi, ғимараттардағы, көліктердегi және тағы басқа. орындардағы ауа температурасының, салыстырмалы ылғалдығының, тазалығының, құрамының, жылдамдығының адам ағзасына немесе технологиялық үрдістерге қолайлы жағдайын жасау және оны автоматты түрде қалыптау. Ауа бассейнi. физикалық. Белгілi бір аудандағы ауа кеңістігi. Ауа [ ауа райы ] бұзылды. Ауа райы өзгеріп, күн бұлттанды, жел тұрды, жауын-шашын болды. Ауада шынықтыру. м ә ш. Тынық ауада суытумен шынықтыру. Ауа дивергенциясы. физикалық. Ауа ағындарының таралу нүктесінен немесе және онымен бір мезгілде ауа массасының жалпы тасымалдануы бағытында таралуы. Ауа жолдары. анатомиялық. Қуысында ауа тазаланып, жылынып, су буымен қанығып, өкпенің газ алмасу бөлігіне өтетін түтікше мүшелер жүйесi. Ауа жұтты. Таза ауаға шығып дем алды; тыныс (дем) алды. Ауа кедергісi. физикалық. Ауа бөгетi. Ауа кемесi. сөйлеу. Ғарыш кемесі. Ауа көпіршігi. техникалық. Флотациялық байытуда пульпа iшінде әртүрлi әдіспен ауа енгізіліп, оның арнаулы әдіспен ұсақ көпіршіктерге бөлінуi. Ауа қабаты. географиялық. Жердің ауадан тұратын қоршауы. Ауа қабығы. астрономиялық. Планеталарды қоршап тұратын, олармен тұтастықта қозғалатын қабық; жердi қоршап тұрған атмосфера. Ауа қапшығы. анатомиялық. Жоғары сатыдағы хордалыларда кездесетін iшi ауаға толған қуыс. Ауа қуыстары. анатомиялық. Денедегi ауа сақталатын жерлер. Ауа қысымы. физикалық. Зат бетінің белгілi бір бөлшегіне түсетін ауа күшi (өлшем). Ауа массасы. физикалық. Көлемi жағынан құрлықпен мұхиттардың бөліктерімен салыстырылатын, көлденең бағытта біртұтас бүтін тәріздi ауысатын және біртектес метеорологиялық элементтерден тұратын тропосфераның төменгi қабатындағы ауа аумағы. Ауамен байыту. физикалық. Ауырлығы әртүрлi кен түйіршіктерін үзілмелi және төменнен жоғары қарай бағытталған қысыммен берілетін ауамен байыту. Ауамен жылыту. физикалық. Жылу жүйесi арқылы бөлмелердi ыстық ауамен жылыту. Ауамен шынықтыру. медициналық. Ағзаны шынықтыру әдісінің бір түрi. Ауаны былғады. Сасытты, мүңкіттi, бықсытты, жағымсыз иіс шығарды. Ауаның абсолют ылғалдылығы. географиялық. Ылғал ауаның 1 текше метрінде болатын су буының граммен берілген ылғалдылығы. Ауаның жылылық салмағы. физикалық. Суық және жылы ауаның араласуынан пайда болған ауа салмағы. Ауаның қалдық шаңдылығы. физикалық. Ауаның шаңын кетіру үшін қолданылатын амалдардан кейін қалған ауаның шаңдылығы. Ауаның салыстырмалы ылғалдығы. физикалық. Берілген температурадағы ауаның құрамындағы су буы парциаль қысымының сол температурадағы қаныққан су буының қысымына процентпен берілген қатынасы. Ауаны сызды. Тыныштықты бұзып, дауыстады. Ауа өткізбейтін есіктер. техникалық. Паналау ғимараттарына радиоактивтi, улы және бактериялық заттар кірмеуi үшін кіру есіктерін, тамбурларды, тамбуршлюздердi, апаттық шығу жолдарын тығыздап жабуға арналған темір және ағаш құрастырмаларынан жасалған құрылғы. Ауа өткізбейтін клапандар. техникалық. Үйлердi сыртқы ортадан немесе бір үйлердi басқаларынан сенімдi түрде ажыратып тастау үшін желдеткіш жүйелерінің ауа жолдарына орнатылатын клапандар. Ауа райы. а) географиялық. Белгілi бір жердегi ұзақ уақыт бойы қалыптасқан атмосфералық жағдай, сол жердің географиялық сипатының бірi. ә) сөйлеу. Күн райы. Ауа райы жағдайы. географиялық. Көпжылғы бақылаулар негізінде анықталған жергіліктi жердегi ауа райының ауысу жүйелілігi мен жиынтығы. Ауа райы картасы. географиялық. Үлкен аумақта бір уақытта бақыланған ауа райы туралы мәліметтердi сандар және шартты белгілермен белгілейтін географиялық карта. Ауа райына әсер ету. географиялық. Ауа райының кейбір құбылыстарын (жаңбыр, бұршақ) жасанды түрде болғызу немесе тоқтату, бұлттарды тарату т.б. Ауа райын болжау. географиялық. Атмосфералық процестерге талдау жасау негізінде күн райын болжау. Ауасы ауыр. Ауасы нашар, қолайсыз, таза емес. Ауа температурасы. астрономиялық. Атмосфераның жылулық күйін сипаттайтын метеорологиялық өлшем. Ауа толқыны. физикалық. Атмосферада болатын тербеліс, қозғалыс. Ауа ылғалдылығы. техникалық. Ауадағы су буының мөлшерi.