ҰЙҚЫ
зат есім. 1. Адам мен кейбір жануарлардың тынығып дем алуы үшін, белгілі бір мерзімде қайталанып отыратын физиологиялық жағдайы. 2. ауыспалы мағына. Қараңғылық, сауатсыздық. 3. ауыспалы мағына. Өлім. Ұйқы басты. Ұйқы меңдетті, ұйқыдан бас көтере алмады. Ұйқы безi. анатомиялық. . Ағзада көмірсу, май, ақуыз алмасуына, яғни ас қорытуға қатысатын мүше. Ұйқы буды. Көзіне ұйқы тығылды, қалғыпмүлгідi. Ұйқы бұзылды. а) Тынышы кетіп, мазасызданды, ұйқысы қашты. ә) медициналық. Жүйке жүйесінің қозғыштығынан, адам ағзасының әлсіреуінен және тағы басқа. себептерден мазасы кеттi, ұйқысынан айырылды. Ўйқыға енді. Ўйықтап етті, қалғыпмүлгіді. Ұйқыға кеткен айдаһардай қозғалмады. бейнелі сөзқолданыс. Бір орнынан тапжылмады, табандап тұрып алды. Ұйқыға кетті [ жатты ]. а) Ұйқыға кірісті, ұйқыға бас қойды. ә) Тынышталды, тыншыды. б) Қайтыс болды, дүние салды. Ұйқыға маза бермеді. Ұйықтатпады, ұйықтауға кедергі болды. Ұйқыға тоймады. Көп ұйықтады, ұйықтай берді. Ўйқыға шому. Ўйқыға берілу, ұйықтап кету. Ұйқыда жатты. Мүлгіген тыныштық орнады. Ұйқыдан қалды. а) Уайымдап, қайғырғаннан не ауру меңдегеннен ұйқысы келмеді. ә) Тыным таппады, мазасызданды, әбігер болды. Ұйқыдан тұрды. Оянды, күнделікті күйбең тіршілікке кірісті. Ұйқы жамылды. Тыныштық басты, тынышталды. Ұйқы жеңді. Шаршап ұйқысы келді, ұйықтап кетті. Ұйқы көрмеді. а) Көз ілмеді, мызғымады. ә) Дамыл таппады, мігір көрмеді. Ұйқы қысты. Ұйықтағысы келді, көзіне ұйқы тығылды. Ұйқының шырқын бұзды. Оятып жібердi, ұйықтатпады, мазалады. Ұйқыны селдіретті. Ұйқыны ашты, ұйқыны қашырды. Ұйқыны тыншытты. Ұйқыны бұзбады, мазаламады. Ұйқысы ашылды. Ұйқысы тарап кеттi, сергідi. Ұйқысы бұзылу. Жөнді ұйықтай алмау, мазасы кету. Ұйқысы келді. Көзіне ұйқы тығылды. Ұйқысы қалды. Тынышы қашты, ұйықтай алмады, мазасызданды. Ұйқысы қанды. Жақсы ұйықтап, тынықты. Ұйқысын қандырды. Жақсы ұйықтап оянды, әбден ұйықтап тұрды. Ұйқысы қанық. Ұйқыны қандырғандық, тыныққандық. Ұйқысы қашты. Ұйқысы келмеді, тынышы кетті. Ұйқысын алды. этнографиялық. саятшылық. Түз бүркітін қолға үйрету үшін ырғаққа отырғызып, есін алды. Ұйқысын ашпады. Мәңгі ұйқыдан оянбады. Ұйқысын ашты. Оянды, сергіді. Ұйқысын бұзды [ бөлді ]. а) Ұйқысына бөгет жасап, кедергі келтірді, мезгілсіз уақытта оятты. ә) Мазасын алды, тынышын кетірді. Ұйқысы сергек. Өте сақ ұйықтайтын, сәл сыбдырға оянып кететін (кісі). Ұйқысы үзілді. Ұйқысы ашылып кетті. Ұйқысы шайдай ашылды. Ұйқысы бірден тарап кетті, сергіп сала берді.