ҚИЯ
1омоним зат есім. 1. Таудың, төбенің т.б. тік құлама беті. 2. Тау мен төбенің беткейі. 3. ауыспалы мағына. Аспан, көк, ғарыш. 4. ауыспалы мағына. Алыс жер, шалғай өлке; қиын жер, қиян. 5. ауыспалы мағына. Жат жер, бөтен ел, шет жұрт. Қияға қанат қақты [ сермеді ]. Алыс армандарға талпынды. Қияға құлаш сермеді [ ұрды ]. Биікке қол созды, талпынды. Қияға салды. Қиынға жұмсады; ауыр жүк артты. Қияға самғады [ сілтеді ]. Шарықтады, шарлады. Қиядан көрді [ шалды ]. Алыстан таныды, жырақтан көзі шалды. Қия жазбас. Алғыр. Қия жартас. Тік жартас.