ГРАФИКАЛЫҚ
сын есім. Графикаға тән, графикаға қатысты. Графикалық адаптер. информатикалық. Графикалық кескіндердi мониторға шығаруды басқару құрылғысы. Графикалық ақпарат. информатикалық. Кестелер, эскиздер, диаграммалар, графиктер пішініндегi фигуралар немесе бейнелер (көрнектi символдар) түрінде берілетін ақпарат. Графикалық бекет. информатикалық. Графикалық ақпаратты өңдеу жүйесін құруға арналған бағдарламалықаппараттық құралдар кешенi (автоматтандырылған жобалау жүйесін қоса есептегенде). Графикалық десте. информатикалық. Графиксалғышта немесе дисплейде графикалық кескіндi қалыптастыру мақсатымен қолданбалы бағдарламада пайдалануға арналған бағыныңқы бағдарламалар жинағы. Графикалық кескін. информатикалық. Шарттылықтың белгілi бір дәрежесімен орындалатын жазықтықтағы (мыс., график салғыштың қағаз парағында) әртүрлi заттардың кескінi. Графикалық құжат. әскери сөз. Мазмұны графикалық түрде топографиялық картада, балауызда (таста), пластинкада немесе мөлдір жұқа қағазда көрсетілетін әскери (ұрыс) немесе қызмет құжаты. Графикалық құрылым. г е ол. Бiрбірімен бітесе өскен және азы көбірегіне сына жазуға ұқсас кіріндi болып келген екi минерал қоспасы. Графикалық қысқарту. лингвистикалық. Жиi қолданылатын сөздердің немесе сөз тіркестерінің шартты түрде қысқартылуы. Графикалық планшет. информатикалық. Жиектік кескіндердi нүктелеп енгізу құрылғысы. Графикалық принтер. Принтер мен плоттердің біріктірілген түрi. Графикалық редактор. информатикалық. а) Графикалық кескіндермен жұмыс iстеуге мүмкіндік беретін әрi оларды түзетуге, толықтыруға арналған бағдарлама; ә) Дисплей бетінде графикалық кескіндер салу процесін автоматтандыруға арналған бағдарлама; б) Графикалық кескіндердi, көріністердi, суреттердi, сол сияқты мультипликацияны құруға арналған құралдармен қамтамасыз ететін бағдарламалық кешен. Графикалық режім. информатикалық. Экранға пиксельдерден (нүктелерден) тұратын күрделi графикалық бейнелердi шығаратын дисплей жұмысының режімi. Графикалық символ. информатикалық. Графикалық кескіндердi салуға қолданылатын бедербелгілер. Графикалық файл. информатикалық. Графикалық редактордың немесе автоматты жобалау бағдарламаларының көмегімен жасалатын графикалық кескіндерден тұратын файл, яғни графикалық мәліметтер сақталатын файл. Графикалық шығару. информатикалық. Графикалық деректерді шығару; деректерді машинаның графикалық құрылымымен шығару [ Деректер графикалық дисплейге немесе графика салғышқа шығарылады ].