СУЫҚ
сын есім. 1. Тым салқын, жылы емес. 2. ауыспалы мағына. Ызғарлы, үрейлі. // Ызғар, зардап. 3. ауыспалы мағына. Салқынқанды, салғырт, енжар. Суығына тоңып, ыстығына күйді. Бар бейнетін, қиындығын көрді. Суық ауа. Салқын ауа. Суық жол. Жаман жол. Суық жүз [ ажар, қабақ ]. Ренішті, кейісті пішін; жатырқап, жатсына қараған кейіп. Суық жүзді. Бетіжүзі сұсты, қатал, ызғарлы. Суық жүріс. Асығыс келу. Суық қарады. Суық жүз танытты, жақтырмады. Суық [ көзбен ] қарсы алды. Жақтырмай салқын жүздесті. Суық қару. Көне заманнан оқ-дәрі мен атыс қаруы ойлап табылғанға дейін қолданылған, шабуылдау мен қорғануға арналған қоян-қолтық ұрыс қаруы. Суық қарыды [ қапты ]. Суық қысты, аяз қарыды. Суыққа ұрынды. Ауа райы қолайсыз, суық күнге тап келді. Суыққа [ суықтан ] ұшты. Үсік шалды, суыққа ұрынды, үсіді. Суыққа шалдыртты. Суық тигізді, суықтатты. Суық қолын сұқты. Талантаражға салды, ұрлапқарлады. Суық құшақ. Салқын, жылы емес құшақ. Суық өтті. Суық тиіп ауырды. Суық соғып кетті [ тастады ]. Әбден тоңды, үсіді. Суық соқты. Үсік ұрды, үсітті. Суық сорды. Суықтады, суық өтіп тоңды. Суық сөз [ хабар, сыбыс ]. Алыпқашпа, жағымсыз, жайсыз хабар. Суық су. Тeмпepатуpасы 20°С-қa дeйінгi табиғи су. Суық теңіз. Солтүстік мұзды мұхит. Суық тер. Қорыққанда, қиналғанда шығатын тер. Суық тиді [ өтті, ұстады, шалды ]. Суық зардабынан ауруға шалдықты, сырқаттанды. Суық түсті. Қыс келді, аяз болды. Суық [ қазан ] ұрды. Үсік шалды. Суық ұстады. а) Салқын тиді. ә) Өзін алыс, жат адамдай көрсетті, салқынқандылық танытты. Суық үн [ дауыс ]. Ашулы, қатты шыққан дауыс; зарлы үн. Суық хабар. Қайғылы оқиға, жаманат жайлы сөз.