ҚОҢЫР
сын есім. 1. Қара мен қызылдың аралығындағы қою күрең түс. 2. ауыспалы мағына. Оншамәз емес, жұтаң (тұрмыстіршілік). 3. ауыспалы мағына. Жанға жайлы, жағымды. 4. ауыспалы мағына. Ықылассыз, көңілсіз, салқын (пейіл, мінез). Қоңыр ала. Қоңыр және ақ түстердің араласып келуі. Қоңыр аң. а) м и ф. Халық ұғымында арқар, бұғы, тау ешкі, елік сияқты киелі саналатын аң [ Қоңыр аңды, әсіресе, бастаушысын сол мекеннің киесі атады, мергеннің мылтығы қырсығады немесе жазатайым мертігеді деп атпайтын болған ]. ә) Арқар, бұғы, елік, құлжа, тау ешкі сияқты шөп жейтін жыртқыш емес аңдар. Қоңыр аю. зоологиялық. Көбіне қалың орманды жерді мекендейтін сүтқоректі жыртқыш; аюдың бір түрі. Қоңыр ән [ әуен ]. Баяу, қоңыр дауыспен салынатын ән, әуен. Қоңыр әңгіме. Жайлы, тартымды әңгіме. Қоңыр бұйра шай. Дәмді, қою шай. Қоңыр дала. Қаратопырақты, қоңыртопырақты құнарлы жазық жер. Қоңыр дауыс [ үн ]. Бірқалыпты ырғақпен айтылған, жайлы үн, дауыс. Қоңыр дауысты. Бiр қалыпты ырғақпен айтылатын жайлы үн. Қоңыр домбыра. этнографиялық. Бұрыннан келе жатқан, үйреншіктi болған домбыра. Қоңыр жел. Жанға жайлы салқын жел. Қоңыр зығыр бүргесі. зоологиялық. Қоңыр түсті бүрге түрі. Қоңыр итмұрын. өсімдік. . Раушангүл тұқымдасына жататын, қалың болып өсетін, майда жемісі бар, тікенді өсімдік. Қоңыр кеш. Жанға жайлы, салқын кеш. Қоңыр көмір. г е ол. Қазба көмірлердің дәрежесi тұрғысынан жүйеленген ең бастапқы, яғни шымтезек пен тас көмір аралығындағы мүшесi. Қоңыр көрді. Ұнатпады, жақтырмады, кем тұтты. Қоңыр күз. Күздің ауа райы жылы және құрғақ кезі. Қоңыр күй. Қарапайым, орташа тіршілік. Қоңыр күрең. Қоңыр мен күрең араласқан түс атауы. Қоңыр қабақ. Салқын қабақ; кейіс. Қоңыр қаз. Өзенсуларда жүретін қоңыр түсті жабайы қаз. Қоңыр қаздай. Жайлы, бірқалыпты, мамырлап. Қоңыр қозы. этнографиялық. а) Жуас, бейуаз, момын. ә) экспрессивті. Бейуаз бала. Қоңыр қозым. экспрессивті.еркелету. Көбіне әжелердің немерелерін еркелеткенде, атағанда айтатын қаратпа атауышы. Қоңыр қошқыл. Күңгірттеу, қарасы басым қоңыр түс. Қоңыр раушан. өсімдік. Бойы өте биік өсетін бұтаның бір түрі; итмұрын. Қоңыр саз. Бірқалыпты естілетін әуен; үн. Қоңыр самал. Бірқалыппен соққан жайлы леп. Қоңыр тартты. Қарайды, күңгірттенді. Қоңыр топырақты. Шөл жерлердің топырағы. Қоңыр тірлік. Бірқалыпты, қарапайым тіршілік (тұрмыс). Қоңыр ұйық. кен ісі. Қоңыр түсті, тотыққан терригендік ұйық. Қоңыр шаң. к е н. Сұйық шойынды конвертер пешінде ауа немесе әттекпен үрлегенде пайда болатын, негізінен темір оксидінен тұратын шаң.