БИІК
сын есім. 1. Төмен емес, жоғары. // Жоғары жер, жоғары жақ. 2. Асқар, зәулім. // Таудың басы. // Асылы, бары, нәрi, маңызы. // Табыс, жоғары деңгей, дәреже, асу, белес. 3. Тапал, аласа емес, көтеріңкi. 4. Зор, ұзын. 5. музыкалық. Жiңішке (дауыс). 6. ауыспалы мағына. Үлкен, еңгезердей. 7. ауыспалы мағына. Атағы зор, мәртебелi, дәрежелi. 8. ауыспалы мағына. Жетілген, дамыған. 9. ауыспалы мағына. Деңгейi, шамасы жоғары. 10. Қадірлi, қастерлi. // Өре, деңгей, дәреже. Биік бағалады. Жоғары қойды, жоғары бағалады, қадірледi. Биік дәреже. Жоғары деңгей. Биік дәрежелi. Жоғары деңгейлi. Биік еттi. Көтер дi, жоғарылатты. Биік қойды. Артық санады, жоғары қойды. Биік лауазымды қызмет. Жоғары дәреже, мансап, мәртебелi қызмет. Биік мансап. Мәртебелi, жоғары атақ, дәреже. Биік маңдай. Кең маңдай. Биік маңдайлы. Кең маңдайлы. Биік мәртебе. Жоғары деңгей, дәреже. Биік моральдық құндылық. п е д. Жоғары адамгершілік идея. Биік мұрат. э к сп. Асыл мақсат, мұрат. Биік өкше [ өкшелi ]. Тақасы қалың, тақалы (аяқкиім). Биік парасат. Үлкен адамгершілік. Биік санады. Жоғары қойды, бағалады. Биік талап. Қатал талап, үлкен талап. Биік талғам. Жоғары талғам. Биік тау климаты. экологиялық. Атмосфералық қысымның, ауа температурасы ылғалдылығының төмен мәндерімен, ауаның тазалығымен, Күн радиациясының көтеріңкi жеделдігімен (әсіресе ультракүлгін) және пәрмендi сәулеленуімен сипатталатын ауа райы. Биік таумен [ көкпен, аспанмен ] таластырды, өте биік, зеулім етті. Биік тау шөлi. экологиялық. Құрғақ салқын климатты биік таулы қыраттарда түзілетін салқын шөлдің түрлерi. Биік тегеурінгүл. өсімдік. Биіктігі 80–350 см, сабағы тықыр, сырты тікенекті, жапырақтарының пішіні дөңгелек не жүрек тәрізді, жиектерінде кірпік сияқты түктері бар, сағақтары ұзын, гүлдері қос жынысты, көк, қошқыл, қою қоңыр түсті болып өсетін шөптесін өсімдік. Биік тұрғы. а) Тау қырқасының ең биік жерi. ә) Белгілi бір нәрсенің межесi. Биік шен. Атақ, лауазым. Биік шытырақ. өсімдік. Биіктігі 50–100 см, төсемелі жуан тамырсабақты, сабағы тік, төрт қырлы, жапырағы сопақша, қысқа сағақты, гүлі көп, ақ түсті өсімдік.