ТАС
зат есім. 1. Таудың қатты жынысы, соның үлкенді-кішілі бөлшектері. // Тастан жасалған. 2. Зергерлік бұйымдарға салынатын, орнатылатын бағалы асыл тастар. 3. Адам ағзасында (бүйрек, өт, бауыр т.б.) зат алмасудың бұзылуынан пайда болатын түйір зат есім. 4. ауыспалы мағына. Ауыр, зілдей. 5. ауыспалы мағына. Қатыгез, қатал. 6. ауыспалы мағына. Тастай суық, мұздай. 7. ауыспалы мағына. Тастай қатты. Тас ақыр. Берік салынған ақыр. Тас атты. Қастық iстедi, жаулық жасады, дұшпандық ойлады. Тас аштыру. Құмалақ салдыру. Тас байланды. медициналық. Бүйрекке, несеп жолдарына, өтке әртүрлi iшкi, сыртқы теріс факторлардың салдарынан құмның жиналуынан, тасқа айналуынан болатын ауру түрi. Тас безерлік. Барып тұрған қиқарлық, қырсықтық. Тас бекідi. Мықтап бекемделдi, бекілдi, жабылды. Тас болды. Қатты сараңдық етті, мейірімсіздік қылды. Тас боран. Суырып соққан қатты боран. Тас бөлме [ қамау ]. Қапас, қамау, түрме, абақты. Тас бұлақ. Суы өте суық, әдетте, тастақ жерден шығатын бұлақ. Тас бұлау. Тасты қыздырып жасаған бұлау. Тас бітіп қалды. Түк естімей қалды. Тас ғасыры. Еңбек құралжабдықтарын көбінесе тастан жасайтын алғашқы дәуірге сәйкес кезең. Тас дәуірі. геологиялық. Адамзат мәдениеті дамуының ең ұзақ алғашқы тас құралдар жасалған кезден (бұдан 2–3 млн жыл бұрын) мыс (энеолит) дәуіріне дейін созылған тарихимәдени кезең. Тас диірмен. Тастан қашап жасалған қол диірмен. Тас емшегін жібіткен, тар құрсағын кеңіткен. Ананың балаға деген еш нәрсемен өлшенбейтін махаббатын, еміренуін суреттеуде қолданылатын тұрақты тіркес. Тас емшегін иітті. Мейірін түсірді, емірентті. Тас жастанып, бұлт жамылды. Небір қиындықтан өттi. Тас жастанып, мұз бүркендi. Қиыншылықта жүрдi; ауыртпалық көрдi. Тас желін. Иімейтін, сүт шықпай қалған. Тас жібіді. Қатты, мейірімсіз адамның көңілінің түсуі, мейірленуі. Тас кепіл. жергілікті сөз. Берік уәде, келісім. Тас кесетін болаттай. поэтикалық. Өткір, алмас. Тас көңіл. Бауырмалдығы жоқ, мейірімсіз. Тас кітабы. Тасқа қашалып жазылған жазу. Тасқа басты. Баспаға, машинкаға басты. Тасқа басылды. Типографиялық әдіспен басылып шықты, жарық көрді. Тасқа басылып қалғандай. Өте анық, бадырайған. Тас қамал. а) Тастан жасалған мықты қорған, бекініс. ә) Берік, мықты нәрсе. Тасқа салды. Тасты шапты, қатты нәрсені кеспек болды. Тас қашау өнері. сәулет. Қазақ халқының дәстүрлі мәдениетінде ежелгі дәуірден бері меңгерген тұрмыстық бұйымдарды - тас құдық, астау, малатас, қолдиірмен, ойыншық және тас мүсіндер, құлпытас, қабіртас, сағанатам, кесенелерді жасауда, салуда қолданған, тастан қашап, өңдеп, кертіп жасайтын қолөнер шеберлігі. Тас қашаушы. өнертану. Тас қашау өнерін меңгерген, тас қашаумен айналысатын, тасқа түрлi өрнек салатын адам. Тас қияға өрледі. Алға ұмтылды, талаптанды. Тасқа түсті. Сайлауға түсті. Тас қып байлады [ таңды, буды ]. Шешілместей етіп мықтап бекітті. Тас лақтырды. Дұшпандық істеді, қастық жасады. Тас өлім. поэтикалық. Мейірімсіз ажал. Тас салды. көнерген сөз. тарихи. Дауыс берді. Тас сауыт. Берік, мықты қорғаныс киім. Тастан қатты. а) Қатыгез, қатал. ә) Қолы тар, сараң. Тас төсеніп, темірқазық жастанды. Қиындыққа төтеп берді. Тас түссе талайынан. көнерген сөз. Пешенеге жазылған болады деген мағынада. Тасты жібітті. Күшін, мықтылығын баршаға мойындатты. Тас үй. көнерген сөз. Қапас, түрме, абақты. Тасы өрге домалады. Бақыты ашылды, ісі оңға басты.