ҚҰДЫҚ
1омоним зат есім. 1. Адамды, малды тұщы сумен қамтамасыз ету және жер суландыру үшін жердің су шығатын қабатына дейін арнайы қазылған тік шұңқыр. 2. техникалық. Мұнай т.б. сұйықтықтарды өндіру, жер бетінен атмосфераның және беткей суларды аластау, жерасты суларының режімін зерттеу мақсатымен қазылатын гидротехникалық құрылыс. Құдығына бар асылын тыққан шөл даладай. поэтикалық. окказионалды. Шөлдеген, шөліркеген адамның iздегенi сирек жатқан құдығынан табылып, мейірін әбден қандыратын сусыз кең жазық жер сияқты. Құдығына қарай қауғасы. Әр нәрсе өзінің ретімен, сәйкестігімен, теңімен. Құдыққа салған қауғадай. Терең орға, апанға түсіп кету, құлдырау. Құдық суы. Сапасы жағынан жоғары, құдықпен ашылған жерасты суы.