АЖАЛ
[ араб тілі. ] зат есім. 1. Адамның ғұмырының аяқ талуы, өлім, қаза. 2. діни. Дiни агиологияда Жаратқан Алланың құдіретi күшімен адамның, тіршілік иесінің жанының алынуы, өмір сүруін тоқтатуы, дүниеден өтуi. Ажал айдады. а) Пәлеге, қырсыққа жолықты. ә) Өлімге итермеледi. Ажал алды. Қайтыс болды, өлдi. Ажал аранын ашты. Қауіпқатер төндi, өлім таянды. Ажал аузынан қайтқан. Өлімнен, қатерден аман қалған. Ажал аузында. Өлім халінде, қатер үстінде, өлім халінде. Ажал ауыздықтады. Өлім тақалды, қатер алқымынан алды. Ажал болды. Өлімге ұшыратты, қаза таптырды. Ажалға арашашы болды. Өлімнен алып қалды, қамқорлық жасады, қауіптен құтқарды. Ажалға ерікті болды. Жанын қиды, өлімге баруға да дайын болды. Ажалға тура қарады. Аянкестенбеді, өз өмірін, тәнін ойлап, жанын, арын сатпады, өлімнен қорықпады. Ажалдан арашаланды. Аман қалды. Ажалдан арашалап алды [ қалды ]. Өлімнен сақтап қалды, аман қалуына себепшi болды. Ажалдан қалды. Өлімнен, қауіпқатерден құтылды. Ажалдың аузына түстi. Қауіпқатерге тап болды, өлімге душар болды. Ажалдың исi шықты. Өлім қаупi келдi, өлетін уақыт жеттi. Ажалдың шебi. Өлімнің торы, тұзағы, шеңгелi. Ажал келдi. Өмір сүрер мерзімі таусылды. Ажал күні болды [ жетті ]. Дәмі таусылды, жарық күні бітті, өлер сағаты таянды. Ажал қармағын салды. Өлім сағаты жеттi, дәмi таусылды, мерт болды. Ажал қашты. Ажалды жеңдi, өлім кеттi. Ажал құрығы. бейнелі сөзқолданыс. Өлім, пешенеге жазылған ғұмыр. Ажалмен алысты. Өлімге қарсы күрестi, өліммен жағаласты. Ажал оғы. бейнелі сөзқолданыс. Өлім, қаза ала келген, ажалына тиген оқ. Ажал оғы атылды. Өлдi, дүние салды. Ажал оғы тидi [ жеттi ]. Қаза тапты, қайтыс болды, көз жұмды. Ажал сағаты. бейнелі сөзқолданыс. Өлім. Ажал сағаты соқты. Өлетін, дүниеден өтетін мезгіл жеттi. Ажалсыз жан шықпайды. Дiни сенім бойынша өлім, қазаның Құдайдың жіберген бұйрығына байланысты екендігi. Ажал тапты. Өлдi, қаза болды. Ажал таянды [ төндi ]. Өлім жақындады, жан шығар уақыт келдi. Ажал торына тап болды. Жан тапсырды, о дүниеге аттанды. Ажал төндірді. Өлімді жақындатты. Ажал түрттi. Өлім айдады. Ажал тырнағы. Өлім құрсауы, өлім қатерi. Ажал уақыты жеттi. Өлетін, жан тапсыратын мезгіл болды. Ажал шырмады. Өлім сағаты таянды. Ажалы жоқ. Бұйрықсыз өлім болмайтын, өле қоймайтын, ажалсыз. Ажалы келдi [ жеттi ]. Өлім сағаты келдi, дәмтұзы таусылды. Ажалына асықты. Қауіпқатерге бас тіктi, өзінөзi өлімге итермеледi. Ажалынан үш күн бұрын өлдi. Мезгілсіз, ерте, қапыда қайтыс болды. Ажалы таяды. Демі бітті, дәмтұзы таусылды.