ДӘСТҮРЛІ
сын есім. 1. Салтқа енген, әдетке айналған, ұлт мәдениетіне тән. 2. Қалыптасқан, дағдылы. Дәстүрлi [ классикалық ] ислам [ ислам дінi ]. діни. Құран Кәрім мен Мұхаммед пайғамбардың хадистерін түпқағида етіп алатын мұсылман дінінің негізі. Дәстүрлi қоғам. қоғ. әлеум. Саяси, әлеуметтік және мәдени дамуы дәстүрлi құндылықтарға, салтсанаға, ата-баба мұраларына негізделетіндігімен ерекшеленетін әлеуметтік орта. Дәстүрлi құқықтық [ қазақы ] мәдениет. қоғ. әлеум. Ежелгi дүниетанымдық қағидалар мен түсініктер негізінде қалыптасқан әдет-ғұрып жосындарының жетілген жүйесi. Дәстүрлi мәдениет. т е рм. Әлеуметтік не этникалық ортада дәстүр негізінде қалыптасқан саяси, әлеуметтік, экономикалық және мәдени қарымқатынастар жүйесi.