АТТЫ
1омоним сын есім. 1. Атқа мінген. 2. Аты бар, көлігi бар. Атты арбап, атан жұтты. «Түйені түгімен жұтты» дегендей обыр, жалмауыз ұғымында. Атты әскер. әскери сөз. Әскери әрекеттерге қатысатын, ат үстінде айқас жүргізетін әскер түрi, әскери қол, аттықарулы жасақ. Аттыға [ аяқтыға ] жол, ауыздыға [ жаяуға ] сөз бермейдi. Ешкімге бой бермейтін, есесін жібермейтін; адуын, сөзуар, сөзшең адам туралы. Аттыға қарап, жаяудың тәңірісi қалды. Мәжбүр болды. Аттының аяғын, жаяудың таяғын алған. Қу, сұм, айлакер.