ТЕРІС
1омоним сын есім. 1. Дұрыс емес, қате; бұрыс. 2. Кері, керісінше, қарама-қарсы. 3. ауыспалы мағына. Жағымсыз, ұнамсыз, орынсыз, жүйесіз. Теріс айналды [ айналып кетті ]. а) Бетін бұрып, сырттады. ә) Қарсы болды, қолдау көрсетпеді. б) Өкпелеп, ренжіді. Теріс айуан. жергілікті сөз. Үйдің солтүстік жағынан әдейі көлеңке болу үшін үйге жалғастырып салынып, тек төбесі жабылған сая жер. Теріс бата. этнографиялық. Ел iшіндегi дәстүрдi бұзып, ата салтын аттаған адамның шектен шыққан әрекетін құптамаған кезде ел үлкендерінің қолын сыртына жайып оған қарғау, қолдамау мәндегi сөз айтуы. Теріс басты. Дұрыс істемеді, қателесті. Теріс билік бермедi. Қара қылды қақ жарған әділ болды, турашыл болды. Теріс жел. жергілікті сөз. Қайыққа, жолаушының бағытына қарсы соғатын жел. Теріс жол. Бұрыс іс-әрекет, қате бағыт. Теріске айналды. Насырға шапты, қырсықты. Теріс келу. Баланың не төлдің туарда жағдайсыз келіп қалуы. Теріс көрді. Оң қарамады, жөн санамады. Теріс көрмеді. Дұрыс деп тапты, ұнатты; жаратты, құптады. Теріс қабақ білдірді. Жаратпады, ұнатпаған пішін көрсетті. Теріс қарады. Ұнатпады, жек көрді, жаратпады. Теріс қаю. қайып тігудің бір түрі. Теріс қылық [ іс ]. а) Дұрыс емес, оғаш іс-әрекет. ә) заң. Нақты бір мемлекеттің құқықтықнормативтік бойынша тәртіптік немесе әкімшілік жауапкершілік арқалайтын құқық бұзушылықты білдіретін жинақтаушы атау. Теріс мінез. Мінезі шәлкес адам туралы. Теріс пиғылды бәсеке. Заңды тұлғаның немесе жеке адамның, сондай-ақ мемлекеттік органдар мен жергілікті өзін-өзі басқару органдарының бәсекені жою немесе шектеу арқылы кәсіпкерлік қызметте негізсіз артыішылықтар алуға бағытталған кез келген ісәрекеті (әрекетсіздігі). Теріс сандар. математикалық. оң сандарға қарама-қарсы сандар жиынтығы. Теріс сарытікен. өсімдік. Алабұталар тұқымдасына жататын біржылдық шөптесін өсімдік, cарытікеннің Қазақстанда өсетін бір түрі. Теріс сермеді. Теріс жолға салды. Теріс [ нашар ] істен тыйылды. Жаман әдетке баспады, жамандықтан аулақ болды.