БҰЛТ
1омоним зат есім. 1. Аспанда қалқыған тұман тәріздi қою су буы. 2. т е рм. Атмосферада қалқыған қоюланған су буының және өте ұсақ мұз кристалының жиынтық жүйесi. 3. ауыспалы мағына. Сезімде болатын қаяу, көңіл кірбіңi деген мағынада. Бұлт ала, жер шола. а) Бәрi бірдей емес, бір жердегi жағдай екіншi бір жердегіге ұқсамайды. ә) бейнелі сөзқолданыс. Ақылды, саналы адамы жоқ, берекесi кеткен ел iшi. Бұлт керуені. поэтикалық. Тізбектізбек бұлттар. Бұлт көшті. Бұлт қозғалып, басқа жаққа ауды. Бұлт қапқан. Аспанмен таласқан, зәулім биік. Бұлттар мамырлады. поэтикалық. Ақша бұлттардың әдемі көрінісі туралы. Бұлт ойнады. Екіталай, қауіптi күн туды. Бұлтты сауды. бейнелі сөзқолданыс. Жаңбыр жауды. Бұлттан шыққан күндей. Жарқ еткен, жайраңдаған, көз қарықтыратын жарық. Бұлт торлады [ үйірілдi ]. Қауіпқатер төндi. Бұлт шайнап, мұз бүріктi. бейнелі сөзқолданыс. Қатты қаһарланды, ашуға міндi. Бұлт шақыру. Жаңбыр жауғызу мақсатында бұлтты арбап шақыру. Бұлт шалды. Аспанды бұлт торлады, қап тады. Бұлтын жиды. бейнелі сөзқолданыс. Аспан бұлттанып, түнеріп, күн жауар кез келдi деген мағынада.