ҚОРҒАНЫС
зат есім. 1. Қорғану ісі, қорғану бағытында жүргізілетін жұмыс. 2. ә с к. Жау күшіне тойтарыс беріп, қарсы шабуылға шығу мақсатында жүргізілетін ұрыс. 3. Қорғанатын жер, бекініс. 4. спорт. Спортшының не команданың қарсыласының шабуылын тойтарып, басымдық бермеуі. 5. спорт. Қарсы команданы өз қақпасына (шығыршығына) жақындатпау мақсатындағы әрекет. Қорғаныс аймағы. ә с к. Қорғаныс мақсатында инженерлік құрылыстармен жабдықталған жергілікті жер ауданы. Қорғаныс қалтасы. спорт. Жыныс мүшелерін зақымданудан сақтайтын қатты қалқан. Қорғаныс мәнеріндегі боксшы. спорт. Қарсыласының шабуылын тежеп, сол арқылы оны шаршату тәсілімен жекпе-жек жүргізетін боксшы. Қорғаныс шебі. ә с к. Әскердің қорғаныс әрекетін жүргізу үшін инженерлік тұрғыда дайындалған алқап.