АЛҒА
= етістік. жергілікті сөз. Алғыстау, құптау.
Значение слова
АЛҒА
үстеу. Ілгерi, алдыңғы жаққа. Алға апарушы. Дамытушы, өркендетушi. Алға асты. Озды, iлгеріледi, өстi, дамыды, алдыға шықты. Алға басқан аяғы кейін [ керi ] кеттi. а) Әбден қалжырады, шаршағаннан жүрісi баяулады. ә) Жолы болмады, қолға алған iстің сәтi түспедi. Алға бастады. Итермеледi, жол бастады, болашаққа жетеледi. Алға басты. а) Ілгерi жүрдi. ә) Дамыды, өркендедi, өстi. Алға жайды. Барын көрсеттi, сыртқа шығарды. Алға жайылды. Алдына төселдi. Алға көз жібердi. Болашақты болжады, алдағысын бажайлады. Алға көз салды. Алдына қарады, iлгерi қарады. Алға қарады. Болашақтан үміт еттi, үмітін үзбедi. Алға қойды. Көздедi, діттедi, нысана еттi, міндет еттi. Алға сап. Алдын ала, асығыс, дайындықсыз; бағамдамай. Алға сүйреді. Талпындырды, ұмтылдырды. Алға тартты. а) Ілгерi жүрдi, тез жүрдi, iлгерi басты. ә) Үлгi еттi. б) Мiндетсіндi, бұлдады. Алға ұмтылды. а) Ілгерi жүрдi. ә) Болашақтан үміттендi, iлгеріледi. Алға ұстады. Мақсат еттi, мақсат тұтты.