ӨТ
1омоним зат есім. анатомиялық. Адам мен омыртқалы жануарлар бауырының безді жасушалары шығаратын ас қорытуға қажетті сарғылтжасыл түсті ащы сұйық зат және осы зат тұратын іші қуыс ағза мүшесі. Өт айдайтын дәрілер. медициналық. Өт түзілуін және оның ұлтабарға құйылуын үдететін дәрідәрмектер. Өт жолы. анатомиялық. Өт өзекшелерінен құралып, өтті өт қабына әкелетін өзек. Өт жүргізу. медициналық. Өтті айдау, ағзадағы өт бөліну қызметін жақсарту. Өт қабы. анатомиялық. Өт уақытша жиналатын, жұқа қабырғалы қап. Өт қалтасы. анатомиялық. Омыртқалы жануарлар мен адам ағзасының іші қуыс, өт жиналып тұратын мүшесінің сыртқы қабы. Өт өзегі. анатомиялық. Өтті бауырдан он екі елі ішекке өткізетін түтікше мүше. Өт өзекшелері. анатомиялық. Бауыр бөлікшелеріндегі түзілген өтті өт жолына әкелетін ұсақ түтікшелер. Өтте тас байлану. медициналық. Холестериндік заттар алмасу процесі бұзылуынан өт қабы мен өт жолында тас пайда болуы. Өті аузына құйылды. Жаны шығып, қатты састы. Өті жарыла ма? Несі кетеді екен деген кею, ұнатпау. Өті жарылды. Төзімі таусылды, шыдамы шегіне жетті. Өтімен жарылды. Қағанағы қарс айырылды, қатты ашуланды. Өтін алып аузына құйды. Жанын көзіне көрсетті, қатты қысты. Өтін жара жалынды. Әбден таусыла тілек айтты. Өтіңменен жарылма. Құр босқа күйіппіспе, бос нәрсеге таусылма.