АЛМАС
1омоним зат есім. 1. минералогиялық. Табиғатта кездесетін ең қатты минерал, таза көміртектің кристалдық түрленімi. 2. Сапалы, қатты металдан жасалған өткір қару. 3. жергілікті сөз. Ұстара түрi. 4. ауыспалы мағына. Сөзi өткір, ойы ұшқыр адам. Алмас азу. Өткір, тиген жерін тіліп түсер азу тіс. Алмас жүз [ жүздi ]. Өткір, қарауға қаймығатындай түрi бар, сестi. Алмас кездік. Қылпылдаған, қынға салып ұстайтын пышақтың түрi. Алмас көз. Жанары өткір көз. Алмас қанжар. Өткір, тиген жерін тіліп түсетін қанжар. Алмас қылыш. көнерген сөз. Сапасы жоғары болаттан соғылған өткір де бағалы қылыш. Алмас өркеш. 7түйешар. Бiрi мінер жаққа, екіншісi қамшылар жаққа жығылған өркеш. Алмас семсер. Өткір, қылпып тұрған семсер. Алмас тұяқ. Қатты, құрыш тұяқ. Алмас тілдi. Өткір тілдi, шешен сөздi, сөзi мірдің оғындай. Алмасын қанға суарды. Қырып жойды, қан жоса қылды.