СҮТ
зат есім. 1. Төлдеген малдың т.б. сүтқоректі жануарлардың сүт бездерінен бөлінетін түсі ақ, төлі үшін қоректік маңызы зор сұйықтық. 2. биологиялық. Босанған ананың, бала емізетін ананың сүт безінен бөлінетін, нәресте үшін қоректік маңызы зор секрециялық сұйық зат есім. 3. Ішуге, пайдалануға дайын мал (сиыр) сүті. Сүт бездері. анатомиялық. Адам мен жануарларда сүт түзетін без, желін. Сүт бұлағы ақтарылды. бейнелі сөзқолданыс. Көп сүт сауды, мол өнім алды. Сүт диетасы. медициналық. Сүт өнімдерін, оның ішінде айран, сүзбемен тамақтануға құрылған диета. Сүтке бөктi. а) Сүтке тойды, тойынды. ә) Сүттендi. Сүт кернеген. Сүтті, сүті мол. Сүтке тиген күшіктей. а) Жазықты, кінәлі, айыпты. ә) Соққы көрген, жүні жығылған, сүмірейген. Сүтке тойған қозыдай. Момақан, монтиған, сүйкімді. Сүт көп, көмір аз. этнографиялық. а) Малдың желінсау ауруларының алдын алу үшін көктемде, алғаш күн күркірегенде жасалатын ырым, мал тойынып сүттенсін деген игі тілексөз. ә) Істің немен тынары белгісіз, көз жетпейді деген мағынада. Сүт кухнясы. Сүтхана (нәрестелерге арнайы сүт тағамдарын дайындайтын орын). Сүт қайнағанша. Әнеміне дегенше, демде. Сүт қанты. химиялық. Таза күйінде ақ түсті, кристалл тәрізді ұнтақ; лактоза. Сүт қатты. Шайға сүт қосып ішті. Сүт майы. Сүттің құнарлы, майлы бөлігі, беті. Сүт өнімдері. тамақ өнеркəсібі. Сүттен дайындалатын әртүрлі өнімдер. Сүтпен еніп, сүйекке сіңген. Қанға сіңген, қалыптасқан, әдетке айналған. Сүт тандыры суалды. Әбден қуарып, құрдым болды. Сүт тартты. Сепаратормен сүттің кілегейін айырып алды. Сүттен ақ, судан таза. Күнәдан пәк, жаза баспаған, ешбір қылмысы жоқ. Сүттің беті. сөйлеу. Піскен немесе шикі сиыр сүтінің қаймағы, беткі жағы. Сүт тіс. а) анатомиялық. Баланың 7 жасқа дейін түсетін алғашқы тіс. ә) ветеринарлық. Жылқының бес жасқа дейінгі тісі. Сүт үстінде қаймақ болды. Қағажу көрмей, бұла боп өсті. Сүтi ағып тұр. а) Сүттi, сүтi мол. ә) Өсімдіктің әлi қатпаған, көк кезi. Сүті қайтқан бие. Кәріліктен, күтімсіздіктен, аурушаңдығынан сүті кеміп азайған бие. Сүті қайтты. Сүті азайып, суалды. Сүтін көкке сауды. этнографиялық. Теріс батасын берді, анасының қарғысына қалды.