ӨТКІР
сын есім. 1. Қайралып жүзі өткірленген, тез кесетін. 2. ауыспалы мағына. Батыл, пысық, өжет (адам). 3. ауыспалы мағына. Бар шындықты бүкпесіз, батыра айтатын, қатал, шыншыл. 4. ауыспалы мағына. Денеден бірден өтіп кететін, қатты (ыстық немесе суық). Өткір әзіл. бейнелі сөзқолданыс. Кемшіліктi дөп басып, шындықты жасырмай күлдіргi түрде жеткізетін астарлы сөз. Өткір бу. техникалық. Технологиялық мақсаттар үшін өндірістік аппараттарға буқазаннан жіберілетін бу. Өткір жүрек. Алғыр, батыл, өжет. Өткір көз. Отты, қырағы көз. Өткір өлең. Шыншыл өлең. Өткір радиация. физикалық. Ядролық жарылыс кезінде тарайтын радиоактивті сәулелер (гаммасәулелер мен нейтрондар), ядролық жарылыс кезінде пайда болып, лезде жанжаққа тарайтын, көзге көрінбейтін және адамдар сезінбейтін сәуле ағыны. Өткір сөз. Тілі мірдің оғындай, бетің бар, жүзің бар демей, тура сөйлейтін. Өткір тіл. Өте батыл айтылған, орып түсетін сөз. Өткір тілді. Бетіжүзіне қарамай өжет сөйлейтін, сөзі өткір.