ҚАРАҢҒЫ
сын есім. 1. Жарықсәулесі жоқ, еш нәрсе көрінбейтін, түнгі кездегі қара түнек. // Тәуліктің күн батқаннан таң атқанға дейінгі кезеңі. 2. Қарауытқан, күн сәулесі түспейтіндей қымталған, тұмшаланған, қапталған. // Зындан, абақты, түрме. 3. ауыспалы мағына. Сауатсыз, білімсіз, оқымаған. 4. ауыспалы мағына. Беймәлім, белгісіз, күмәнді. 5. ауыспалы мағына. Қараниетті, арам. Қараңғыда қалды. Дамымады, қатарына ілесе алды. Қараңғыда қарсақтың ізінен жаңылмайды. Барлағыш, ізшіл. Қараңғы дүние. бейнелі сөзқолданыс. Түнгі уақыт. Қараңғы жер. Кейбір заттарды бұзылып кетпеу үшін сақтауға қолайлы, күн сәулесі түспейтін салқын жер. Қараңғы көрге құлатты. поэтикалық. Өлтірді, о дүниеге аттандырды. Қараңғы қабірi нұр болсын! тілек. Жатқан жерi жаннат болсын деген мағынада кісісi өлген адамға көңіл айтуда қолданылатын сөзқолданыс. Қараңғыны қақ айырды. Түнекті жарды, қара түнектің дәл ортасынан сәуле шашты, надандықтан халықтың көзін ашты. Қараңғыны қармалады. Бағытсыз, бағдарсыз іс істеді. Қараңғы тартты. Күңгірттенді, қараңғылық қоюланды, ымырт үйірілді. Қараңғы түсті [ туды ]. Кеш болды, қараңғы болды, күн батып, түн келді.