ҚАСТЫҚ
зат есім. 1. Өштік, дұшпандық, жаулық. 2. Қатыгездік, тасжүректік. 3. Жауласушылық, қарсыласушылық. Қастығы бар ма? Жамандық ойлайтындай себеп те, қисын да жоқ. Қастығы жоқ. Зиянсыз, жамандығы жоқ. Қастық әкелді. Зиян келтірді, шығынға ұшыратты. Қастық етті. а) Дұшпандық жасады, жамандық істеді. ә) Зиян келтірді, залал тигізді. Қастық келтірді. Зақым келтірді, залалын тигізді. Қастыққа ұрынды. Бәлеге жолықты, қиындыққа душар болды; басы пәлеге қалды, дауға кезікті. Қастық қашты. Өшпенділік жойылды. Қастық қылды [ жасады ]. Дұшпандық етті, зиянкестік жасады. Қастық ойлады. Зиянкестік жасады, қаскүнемдік қылды, біреуді орға жықты. Қастықты білмеді. Жамандық ойламады. Қастық уын шашты. бейнелі сөзқолданыс. Қастық жасады, оңдырмады, дұшпандық қылды, аямады.