АЛҒАШҚЫ
сын есім. Бастапқы, әуелгi, біріншi реттегi, біріншi кезектегi. Алғашқы адым. Тұңғыш қадам, әуелгi iс, бастама. Алғашқы ауыздылар. биологиялық. Көпжасушалы қос жақтауы симметриялы жәндіктер тобы. Алғашқы бетте. Бастапқыда, әуелгi кезде. Алғашқы жануарлар. Қазіргi сүтқоректілердің ең қарапайым және алғашқы класы. Алғашқы көмек. медициналық. Адам өміріне немесе денсаулығына кенеттен қауіп төнгенде оның өмірін сақтап қалу үшін немесе апаттың зиянды әсерін азайту үшін қолданылатын қарапайым шаралар. Алғашқы қанатсыз жәндіктер. биологиялық. Өте ұсақ, төменгi сатыдағы жәндіктердің бір тобы. Алғашқы қарлығаш. а) Ғылымның, оның белгілі бір саласының тұңғыш негізін салушы. ә) Белгілі бір жүйенің, қоғамдық құбылыстың тұңғыш рет негізінің қалануы, жаңалық ретінде көрінуі. Алғашқы қауым. тарихи. Адамзат тарихындағы алғашқы қоғамдықэкономикалық бірлестіктердің әлеуметтік ұғымдағы атауы. Алғашқы қауымдық коммунизм. тарихи. Алғашқы қауымдастықтың азықтүлік, меншік ортақтығына негізделген қоғамдық құрылысы. Алғашқы қауымдық құрылыс. тарихи. Адамзат тарихындағы ең алғаш қалыптасқан әлеуметтік экономикалық формация. Алғашқы [ тұңғыш ] қоңырау. а) Жаңа оқу жылының басталуына байланысты мектеп босағасын бірінші аттаған шәкірттер үшін берілетін бірінші қоңырау. ә) Оқу жылының басында, 1 қыркүйек күні болатын мектептегі салтанатты жиын. Алғашқы махаббат. Адамның өзін алғаш рет ер немесе әйел болмысын сезінгенде, әйел адамның ер адамға немесе ер адамның әйел затына алғаш рет ынтықтық, сүйіспеншілік қатынасын тудырған әдетте бозбалалық, бойжеткен шақта болатын таза албырт сезім.