ТӨБЕ
1омоним зат есім. 1. Топырақтан, құмқиыршық тастан үйіліп қалған, дөңгелене біткен биіктеу, дөң жер. 2. этнографиялық. Байырғы қазақ қоғамында әлеуметтік саяси, мәдени мәні жоғары мәселелерді талқылайтын, жұрт жиылып маңызды шешімдер шығаратын орын. 3. а р х. Археологияда ежелгі қоныстар мен ортағасырлық қалалардың, елді мекендердің орындарында қалыптасқан жасанды биіктік. Төбе би. этнографиялық. Негізгі шешімді айтатын басты би. Төбеге шықты. Мәнсапқа, атақдаңққа ие болды. Төбеден түспеді. Ағалық, үлкендік, қариялық көрсетуден бас тартпады. Төбені бекіту коэффициенті. кен ісі. Қазба төбесіндегі орнатылған бекітпе ауданының оны ұстап тұратын төбе ауданына қатынасы. Төбені құлату қадамы. кен ісі. Өзінің және үстінде жатқан таужыныстар массасының әсерімен мезгіл-мезгіл өздігінен құлайтын, бір жағы тіреусіз асылып тұрған төбе таужынысының ең төменгі ұзындық шамасы. Төбені [ табанды ] қопару. кен ісі. а) Қазбаның үңгілеу және шегендеу төлқұжатымен белгіленген көлденең қимасының контуры шегіндегі пайдалы қазылым қатының төбе (табан) таужыныстарын қазып (үңгілеу комбайнымен, уатқыш балғамен, бұрғылап жару жұмыстары арқылы) алу [ Мұнда алдымен пайдалы қазылым қазып алынады, ал төбе (табан) таужыныстарын қазып алу екі ашық таужыныстық беттер болған ретте жүргізіледі ]. а) Лавада қазу жабдықтарын орналастыруға арналған қажетті биіктіктегі жұмыс кеңістігін жасау мақсатында жұқа көмір қаты табанының таужыныстарын қазып алу. Төбені отырғызу. кен ісі. Тазартып қазып алу қазбаларындағы кені алынған кеңістіктің төбесіндегі таужыныстарды шегенді әкету арқылы, кейде ұңғылап оған салынған жарылғыш заттарды жарып, жасанды түрде қопарып құлату. Төбені отырғызу қадамы. кен ісі. Үңгубеттің ілгерілеп жылжу бағытында төбе таужыныстарын отырғызу аралығындағы қашықтық. Төбені табиғи отырғызу. кен ісі. Тазартып алу үңгубетінің жылжуына сәйкес, оның ізінше кені алынған кеңістік төбесі таужыныстарының өздігінен құлауы. Төбені шабақтау. кен ісі. Жер асты қазбасы төбесінен таужыныстардың қопсыған кесектерінің тосыннан құлап түсуін болдырмау үшін үңгу жұмысында алдын ала жасалынатын қауіпсіздік шаралары. Төбе шегені. зат есім. кен ісі. Арқалықтардан тұратын шеген [ Олардың екі жақ ұшы қазба қабырғаларында жасалынған арнайы шұңқырларға тіреледі немесе фермаларда тордан қаланған ағаштардың үстіне орнатылады. Бұл әдіс, әдетте, қатты және орнықты таужыныстарда дайындық қазбаларын жүргізу барысында қолданылады ].