БҰЛАҚ
1омоним зат есім. 1. Басы қайнардан басталып, сайжыралармен ағатын кішігірім су. 2. географиялық. Жер асты суларының жер бетіне (кейде су астына) өздігінен шоғырлана шығатын жерi. 3. ауыспалы мағына. Бiр нәрсенің түп бастауы, қайнар көзi, негізi. 4. ауыспалы мағына. Жомарт, береген, қолы ашық адам. Бұлақ басы. Бұлақтың басталған жерi, қайнар көзi. Бұлақ бөденешөбi. ботаникалық. Сабынкөк тұқымдасына жататын көпжылдық шөптесін өсімдіктер туысы. Бұлақ көзi. а) Ең алғашқы нұсқа, бастапқы үлгi, түп негіздер, түп бастау. ә) бейнелі сөзқолданыс. Дарын, қабілет, мүмкіндік. Бұлақ көзін ашты. бейнелі сөзқолданыс. Болайын деп тұрған дарынды жасты танып, жағдай тудырды. Бұлақ күбірі. бейнелі сөзқолданыс. Мүлгіген тыныштық кезінде естілетін бұлақтың сылдыры. Бұлақ өтімi. су шаруашылық. Белгілi уақыт iшінде жерден шығып жатқан су көлемi. Бұлақ сарыбасшасы. өсімдік. Орамжапырақ тұқымдасына жататын көпжылдық су өсімдігінің бір түрі. Бұлақ суы. Басы бастаулардан басталып, баяу ағатын кішігірім су; жер астынан, қойнауынан шығатын су. Бұлақты шегендеу. су шаруашылық. Суының тазалығын сақтау мақсатында бұлақтың төңірегін таспен, ағашпен және тағы басқа. материалмен қоршау, бекіту. Бұлақ шығымы. су шаруашылық. Белгілi бір уақыт аралығында (секунд, тәулік) бұлақ, бастау беретін су мөлшерi.