УӘДЕ
[ араб тілі. ] зат есім. Берілген сөз, серт, уағда. Уәде байлады. Сөз берді, ант етті. Уәде байласты. Бірбіріне сөз, уағда берісті. Уәде бекітістi. Бiрігіп келістi, мәмілеге келдi. Уәде берді. Серт етті, уәделесті. Уәде бұзды. Сөзінде тұрмады, сертті, уағданы орындамады. Уәде бойынша. Келісуіміз бойынша. Уәдеге бекіністi. Өзара шешімге келдi, ұйғарысты, бел байласты. Уәдеге берік. Сертінде тұрғыш, сенімді. Уәдеге күпті болды. Бос сөзге қарық болды, уәдені көп естіді. Уәдеде бар болу. Сөзінде тұру, екі сөйлемеу. Уәде [ уағда ] етті. Уәде берді. Уәде етісті. Уәделесті, серттесті. Уәде қоздады. Сөзінде тұрмады, сөз беруі жиіледі. Уәде қылды. Сөз берді, ант етті, уағдаласты. Уәденi аттады. Уәденi бұзды, серттi орындамады. Уәдені ұмытты. Сөзінде тұрмады, айныды. Уәдесін [ уағдасын ] бұзды. Берген сертінен тайды, уәдесін орындамады. Уәдесінде тұрды [ тұрмады ]. а) Сөзінде тұрды, уағдасын орындады. ә) Айтқан сөзінен таймады, айнымады. Уәдесінен тайды. Сөзінде тұрмады, уағданы бұзды. Уәдесін жұтты. Айтқан сөзін орындамады, уағданы ұмытты. Уәдесін орындады. Сөзінде тұрды, айтқанын орындады. Уәде ұстады. Айнымасқа сөз байласты, келісімант жасасты.