ЖЕТІМ
сын есім. 1. Әкесі не шешесі жоқ немесе екеуі де жоқ, 18 жасқа толмаған (бала). // ата-анасыз, жалғыз, қамқоршысыз, жетім қалған бала. 2. ауыспалы мағына. Арқа сүйері, қамқоры жоқ, жалғыз. 3. ауыспалы мағына. Жалғыз, далада қалған. Жетім атым насыбай. Жарты атым насыбай. Жетім бала. Атаанасының біреуi, не екеуi де жоқ бала. Жетім бала, жесір қатын. Отағасы, асыраушысы жоқ, қайтыс болған отбасы. Жетім белдеме. этнографиялық. Сойылған мал етінің бір бөлігі. Жетім бидай. жергілікті сөз. Өткен жылдың аңызында қалған дәннен жабайы өскен бидай. Жетім босаға. Киіз үйдің кіреберісіндегі сол жақ босаға. Жетім бота. Енесi жоқ не болғаныменде сүтке жарымаған бота. Жетім бұзау. Енесіз қалған бұзау. Жетім жақ. жергілікті сөз. Балықты қақ бөлгендегі сол жағы. Жетім жұрт. Панасы жоқ ел мағынасында. Жетім қазан. жергілікті сөз. Тозығы жеткен ескі қазан. Жетім қалған құлындай. Шарасыз күйге түскен. Жетім қалды. Атаанасынан айырылды. Жетім қозыдай. Жаутаң, күйреуік, жасқаншақ. Жетім құлын секілді. поэтикалық. Қайда, кіммен бара жатқанын білмейтін, әркімнің соңынан бір жүгірген енесі жоқ құлын сияқты. Жетім құрыш қылыш. Құрышы айрықша суарылған қылыш. Жетім қыздың құнын сұрады. Арзан болса да ақы сұрады, ақы талап етті. Жетім қыздың тойындай. Елеусіз, берекесіз деген ұғымда айтылады. Жетім лақтай. Жалтаңдап, жаутаңдап. Жетім малта. Әбден езілген құрттың қалған сірнесі, сығынды.