БҮЙРЕК
1омоним зат есім. анатомиялық. 1. Адам мен жануарлардың iш қуысында, омыртқа бағанасының екi жағында орналасқан мүше, содан жасалаған тағам. 2. анатомиялық. Адам мен омыртқалы жануарлар ағзасында несеп түзетін және оны шығаратын жұп орган. 3. ауыспалы мағына. Бiр нәрсенің өкпе тұсы, тұспа-тұс. 4. Тосын жағдай, оқыс нәрсе. Бүйрегi бұрды. Іш тартып, жақын тұтты. Бүйрегі бүлк ете түсті. Іші сезе қойды, сезіктенді. Бүйрегi бүлк етпедi. Қаперіне кіріпшықпады, елемедi. Бүйрегi бүлк еттi. Іштей сездi, сезіктендi, біле қойды. Бүйрегi бітеу. Майланып кеткен, семіз. Бүйрегінде [ бүйрегінің түкпірінде ] жатты. Ішінде сақталды, құпия болды. Бүйрек бет. Бетінің жоғарғы жағы бұлтиып шығып тұратын, томпиған бет. Бүйрекке тас байлану. медициналық. Жиi кездесетін несеп тас ауруы, уролитиаз. Бүйрек қабыну. медициналық. Нефрит. Бүйрек ожау. этнографиялық. Ағаштан жасалған, ортасы тесік қосарланған ожау. Бүйректен сирақ шығарды. Болмашы нәрседен шатақ шығарды, орынсыз сөйледi, езулеп керi тартты. Бүйрек шығып келе жатты. Оқшау келе жатты. Бүйрек шықты. Оқшауланды, ерекшелендi; ұзыннан шұбырмай, көлденеңдеп келді.