ОРТА
1омоним сын есім. Белгілі бір мөлшерге жетпеген, толық емес, жарты. Орта арық. жергілікті сөз. Үлкен арықтан тарайтын арықтар. Орта бау. жергілікті сөз. Шаңырақтың күлдіреуіш арқылы жел тұрғанда жүк бастыратын жібі. Орта бизнес. Орта кәсіпкерлік. Орта бойлы. Бойы онша биік те емес, аласа да емес, орташа. Орта бөлік. тарихи. 1824 ж. Кіші жүзде хандық билік жойылғаннан кейін енгізілген әкімшілік басқару жүйесі. Орта бөтегелі. саятшылық. Қыран құсқа беріле- тін жем мөлшерінің атауы. Орта буын. поэтикалық. Аға буын мен жас буынның аралығындағы ұрпақ. Орта білім. педагогикалық. Ғылым негіздерін білуді талап ететін, қоғамға пайдалы еңбекке қатысуға және жоғары білім алуға қажетті білім мен дағдылар жиынтығы. Орта білім беру. педагогикалық. Үздіксіз білім беру жүйесіндегі негізгі деңгей болып табылатын және жалпы, кәсіптік бастауыш және кәсіптік орта білім беруді қамтитын білім беру үрдісі. Орта білімді. Жалпы білім беру жүйесінің бастауыш деңгейінен жоғары жалпыға бірдей мектептерде алатын білімі бар. Орта ғасыр. тарихи. Адамзат тарихындағы 5 ғасырдың аяғынан 17 ғасырдың ортасына дейінгі аралықты қамтитын кезең (көне дәуір мен жаңа дәуір аралығы). Ортадан жоғарылау. Тым ұзын емес, бойы ұзын деуге келмейтін. Орта дәрежелi білім [ оқу ]. Он жылдық мектепте немесе арнаулы білім беретін техникум, училищелерде берілетін білім. Орта дәрежелi мектеп. Он жылдық білім беретін оқу орны, мектеп. Орта дәрежелі метаморфизм. геологиялық. Эпидотамфиболитті және амфиболитті фациялар. Орта дәрежелі оқу орны. Орта білім беретін мекеме. Орта дәулетті. Аса бай емес, орташа ауқатты (адам). Орта ендіктер. географиялық. Жер бетінің солтүстік және оңтүстік жарты шарларда 40 және 65° солтүстік ендік пен 42 және 58° оңтүстік ендік аралығына орналасқан кең алқаптары. Орта есеппен. Көбін де, азын да емес, орташасын алғанда. Орта етіне келді. саятшылық. құстың сары тап болып арықтауы. Орта жас. Онша жас та, кәрі де емес; елу жастың үсті. Орта жол [ жол ортасы ]. Аяғына дейін жү- рілмеген жол, аралық. Орта жолда қалды. Шаңына ілесе алмады, қалып қойды. Орта жолда тастады [ мүдірді ]. а) Бастаған істі аяқтамады, басқа шаруаға, қызыққа ауысып кетті. ә) Бағы тайды, өмірлік қызығынан қол үзді. Орта жолдан оралу [ қайту ]. Істі аяқтамай тастап кету, басқа шаруаға ауысып кету. Орта жүз. этнографиялық. Құрамына арғын, найман, керей, уақ, қоңырат, қыпшақ рулары кіретін қазақ тайпаларының этникалық, саяси, экономикалық және мәдени бірлестігі. Орта кәсіпкерлік. экономикалық. Қарамағындағы мүліктерді заңды негізде пайдаланып, өзінің бастамасымен шешім қабылдауға және кез келген ісқимылдар жасауға құқықты заңды ұйым немесе жеке азаматтың орташа кәсіпкерлік қаракетшілдігі. Орта кеседей. Кесенің ортасынан келтіріп. Орта мектеп. педагогикалық. Бірінші сыныптан бастап он бірінші сыныпқа дейін жалпы не арнаулы орта білім беретін оқу жүйесі. Орта саусақ. а) саятшылық. Саят құсының өзгелерінен сәл ұзынырақ, үшкір болатын саусағы, жембасары. ә) Ортан қол. Орта сызық. спорт. Спорт албарының ортасын қақ бөлетін сызық. Орта тап. әлеум. қоғамның қалыптасуы мен дамуына ықпал ететін орта дәулетті, негізгі тап өкілдері. Орта түркі әдеби тілі. лингвистикалық. Орта ғасырлардың бастапқы кезінде араб әліпбиінде жазылған Махмұд Қашқаридың “Диуани лұғат иттүрік” (11 ғ.), Юсуф Баласағұнның “Құтадғу біліг” (11 ғ.) шығармаларының және орта ғасырлардың орта тұсында жазылған, 14–16 ғасырлардағы жазба ескерткіштердің (“Мұхаббатнама”, “Оғызнама” т.б.) тілі. Орта шама. мате м. Сандар не функциялар тобының сипаттамасы. Орта шаруа [ шарқы ]. Әлауқаты жақсы; орташа дәулетті адам. Орта шен. ортасына таман. Орта калибрлі зеңбірек. әскери сөз. Калибрі 76 ммден 1З 0 ммге дейін жететін зеңбірек түрі.