ТОЛЫҚ
1омоним үстеу. Түгелдей дерлік, бүтіндей, тұтас. Толық айналу уақыты. астрономиялық. Ғаламшардың басқа ғаламшарды айналып шығуға кететін уақыт мөлшері. Толық арнайы өңдеу. әскери сөз. Жеке құрамды санитарлық өңдеу, қаружарақты, әскери техниканы, көліктерді, әскери киімдерді, жабдықтұрмандарды және қорғаныс құралдарын дезактивизациялау, газсыздандыру және дезинфекциялау. Толық бағалы бейнеэффект. информатикалық. Кинофильмге ұқсас мультимедиялық қойылым. Толық дезактивация. әскери сөз. Зақымданған қаружарақты, ұрыс техникасы мен өзге де объектілерді радиоактивтік заттардан тазарту. Толық емес ақпарат. информатикалық. Қойылған сұраққа жете жауап алуға жеткіліксіз ақпарат. Толық жинақ. әскери сөз. Танкілерге, зеңбіректерге берілетін қосалқы бөлшектердің, құралдардың және мүліктің кейбір түрлерінің жиынтығы. Толық қайта барлау. әскери сөз. қарсылас туралы бар деректі тексеру, сонымен қатар неғұрлым толық және анық мәліметтер алу. Толық қолдан жасау. заң. Құжаттарды техникалықкриминалистік зерттеуде қылмыскердің құжатты тұтастай қолдан жасауы. Толық қорық. экологиялық. Дәстүрлі шаруашылыққа пайдаланудан шығарылған және табиғи қалпында сақтау мен ғылыми зерттеуге арналған заңмен қорғалатын аумақ. Толық құқықты. заң. Заңды, заңмен бекітілген. Толық пікір. педагогикалық. Жан-жақты талдау, бағалау. Толық санитарлық өңдеу. әскери сөз. Арнайы тазалау пунктерінде, моншада, санитарлықөткізгіштік немесе залалданбаған су қоймаларында адам үстіндегі радиоактивтік, улағыш заттар мен бактериялық құралдарды арнайы ұнтақпен жуып, киімді міндетті түрде ауыстыру. Толық серіктестік. экологиялық. Шаруашылықтың серіктестік түрі [ Оның қатысушылары серіктестіктің мүлкі жеткіліксіз болған жағдайда серіктестіктің міндеттемелері бойынша өзіне тисілі барлық мүлкімен ортақ жауапкершілікте болады ]. Толық су. су шаруашылық. Ай мен Күннің тартылыс күштерінің әсерінен пайда болатын лықсу кезіндегі теңіздің ең жоғары деңгейі. Толық су алмасу уақыты. геологиялық. Артезиан алабының қалыптасу барысында таужыныстардағы жерасты суларының толық алмасатын уақыт аралығы. Толық тұтылу. астрономиялық. Күннің немесе Айдың толығымен көрінбей қалу құбылысы. Толық түлеу. Құс қауырсындарының түгел түсіп, қайта шығуы. Толық тыныштық белдемі. экологиялық. Қорық және ұлттық саябақ ішіндегі аумақ [ Мұнда табиғи процестерге, адамның араласуына, соның ішінде, қандай мақсатпен болса да адамның уақытша болуына тыйым салынады ]. Толық үйлесушілік. математикалық. Толығымен сәйкес келушілік. Толық ішкі шағылу. физикалық. Оптикалық сәуленің (жарық) немесе басқа диапазондағы электрмагниттік сәуленің (мысалы, радиотолқын) екі мөлдір ортаның шекаралық қабатына түсуі кезінде сыну көрсеткіші көп ортаға қарай шағылуы. Толық емес жұмыс. Қысқартылған жұмыс уақытында атқарылатын жұмыс. Толық дәлел. Толық айғақ. Толық серіктестік. экономикалық. Азаматтық низам бойынша өзара жасасқан келісімшартқа сәйкес оның қатысушылары (толық серіктестіктері) серіктестік атынан кәсіпкерлік ісәрекетпен айналысып, өздеріне тиесілі мүліктері мен оның міндеттемелері бойынша жауапкершілік арқалайтын серіктестік. Толық шығару. информатикалық. Грамматиканы тудырған аксиомадан сөйлемді шығару. Толық ылғал сыйымдылығы. су шаруашылық. Тау жыныстарының барлық кеуектерін, жарықтарын, қуыстарын толтырған судың ақпай тұрған кездегі салмақтық немесе көлемдік шамасы.