ЖҮК
1омоним зат есім. 1. Көлікке, арбаға, түйеге, мәшинеге тағы басқа. артылған, тиелген зат есім. 2. этнографиялық. Жүкаяққа, сандыққа жиылған тең, көрпе-жастық. 3. Жиһаз бұйым, жасау. 4. ауыспалы мағына. Қайғы-қасірет, уайым, шер. 5. ауыспалы мағына. Талап, тілек, міндет. 6. ауыспалы мағына. Салмақ, ауыртпалық. Жүгі жеңіл. Қолы бос, басы артық жұмыс жүктелмеген. Жүк арба. Жүк тиейтін арба. Жүк артқан көк есектей болды. Әбден титықтады, қиналды. Жүк [ иығына, мойынға, жүрекке ] артты. Талап қойды, міндет жүктеді. Жүк ауырын нар көтереді. Күшті, ерікжігері мықты, сабырлы адамға қайғыны да, ауыртпашылықты да көтере аласың деп дем беріп, қаралы адамға жұбату, көңіл айту мақсатында айтылатын сөз. Жүк басты болды. Жүк азабын көп тартты, жүктен әбден қажыды. Жүк жинасты. Төсек-орын, үй ішін жинауға кірісті, көмектесті. Жүк жөнелту. техникалық. Тиелген вагондарды жүк тиеу пункттерінен жинастырып пойызға тіркеу, олардың құжаттарын кондукторға өткізу т.б. тәрізді операциялар жүргізу. Жүк жылқысы. Жүк тасымалдау үшін будандастыру арқылы арнайы өсірілген жылқы. Жүк [ тасымалдайтын ] кемесі. Өзендер мен көлдерде, теңіздерде, мұхитта бір жерден екінші жерге түрлі жүктерді жеткізетін су көлігі. Жүк көлігі. Зат тасу үшін пайдаланатын шаруашылық малы (түйе, ат, өгіз). Жүк көрмеді. Елемеді, мән бермеді. Жүк мәшинесі. Әртүрлі жүктер тиейтін, таситын борты бар мәшине. Жүк тасқынының әркелкілік коэффициенті. физикалық. Жүк тасқыны шамасының ауытқуын сипаттайтын сандық көрсеткіш. Жүк тасқынының біркелкі болмау коэффициенті. физикалық. Жүк тасқыны шамасының тұрақсыздығын сипаттайтын сандық көрсеткіш.