ҚАЛЫП
[ араб тілі. ] зат есім. 1. кәс. Аяқкиімнің формасын келтіріп тігуге керекті құрал. 2. Кірпішті, балқытылған заттарды (шойын, болат т.б.) қатыруға арналған зат есім. 3. құрыл. Құрылыс алаңында тұрғызылатын монолит бетонды немесе темір бетонды құралымдар мен ғимараттар пішіндерін жасауға арналған бөлшектер мен элементтер жиынтығы. 4. Бейне, кескін, келбет. 5. Пішіні, формасы. 6. Белгілі бір сәттегі адамның, не басқа бір заттың халжайы, күйі. 7. Түр, кейіп. 8. Тұрпат, пішін. 9. Болмыс, жаратылыс. 10. Жағдай, тұрмыс. 11. Шақ, кез. Қалып алды. Дағдыланды, төселді. Қалыпқа құю. Балқыған металды қалыпқа еркін құю тәсілі; құю өндірісіндегі ең маңызды технологиялық процестердің бірі. Қалыптан тыс. Тым, асыра, шектен асыра.