ЖАРИЯ
1омоним [ араб тілі. ] сын есім. 1. Көпке таныс, белгілі, мәлім. 2. Ашық, айқын, әйгілі. // көнерген сөз. Жарнама, хабарлама. // Бүкіл әлем, жан-жақ. Жария берді. жергілікті сөз. Хабар берді, хабарлады. Жария болды. Мәлім болды, белгілі болды. Жарияға жар салды [ салынды ]. Бәріне хабарлады. Жария етті [ қылды ]. Паш етті, әйгіледі, жариялады. Жариялап алды. Сырын ашып қойды, мәлімдеді. Жария сауда-саттық. экономикалық. Өткізу кезінде тендер комитеті саудасаттыққа қатысушы фирмалар мен консорциумдардың көз алдында ұсыныстарды ашып, олардың негізгі шарттарын оқитын және тапсырысты қандай фирмалар консорциумының алғаны туралы мәліметтерді ашық баспасөзде жариялайтын халықаралық сауда-саттық.