ТҮРКІ
сын есім. ғыл. Түркі дүниесіне, халықтарына тән, оларға ортақ, мәдениетіне қатысты. Түркі атбұршағы. ботаникалық. Атбұршақтың бір түрі. Түркі бұршағы. ботаникалық. Түркі атбұршағы. Түркі гүлі. ботаникалық. Сәндік үшін гүлзарларда қолдан егілетін мәдени өсімдік. [ Негізгі отаны – Түркі елі ]. Түркі дүниетанымы. мәд. Дәстүрлі қазақ ұлттықмәдени ұстындарының бастауы – әлемнің, болмыстың, адамның мақсаты мен өмірінің мәнін, оның құндылықтық әлемін тануға бағытталған біртұтас әмбебап көзқарас. Түркі қызғалдағы. ботаникалық. Қызғалдақтардың түптөркіні түркі жұрты болғандықтан, еуропалықтар оны түркі қызғалдағы деп атаған. Түркі тектес. Түркі халықтарына, түркі тілдеріне жататын. Түркі тілдері. лингвистикалық. Түркі халықтарының тілі; шығу тегі бір, грамматикалық құрылысы, фонетикалық жүйесі ұқсас, негізгі сөздік қоры ортақ, белгілі тарихи жағдайларда, дәуірлерде қалыптасып, бүгінде жеке-жеке, өз алдына дербес тіл болып саналатын жиырмадан астам түркі халықтарының тілдері. Түркі тілдерінің қарлұқ тобы. линг. Құрамына ұйғыр, өзбек тілдері кіретін түркі тілдерінің бір тобы. Түркі халықтары. Еуразия құрлығының көп бөлігін ежелден мекендеп келе жатқан этностар мен этникалық топтардың жиынтық атауы.