ҰЗЫН
сын есім. 1. Қысқа емес, шұбатылған. 2. Биік, сорайған, сойдиған. 3. Ұзақ, көп уақытқа созылған. Ұзын арқан [ арқау ], кең тұсау. Арқасын кеңге салу, жайбарақаттыққа салыну деген мағынада. Ұзын арқан, кең тұсауға салды [ кең тұсаумен жүрді ]. Арқасын кеңге салды, жайбарақаттанды. Ұзын аяқ. эвф. Аяқты мал; жылқы. Ұзын бойлы. Бойшаң, сұңғақ. Ұзындағы өшін, қысқадағы кегін алды. Бұрындысоңды кеткен есесін, жаулықтың қарымтасын қайтарды. Ұзында [ ұзыннан ] өшті, қысқада [ қысқадан ] кекті. Бұрыннан араздығы бар, ақысы, есесі кеткен. Ұзынды күрмеп, қысқаны жалғады. Ептеп-септеп, өйтіпбүйтті, амалдады. Ұзын елдің иірі, қысқа елдің қиыры. Дүйім жұрт, барлық ел. Ұзын елдің үйіріне, қысқа елдің қиырына кетті. Көпке жария болды, шартарақа тарады. Ұзын етек. экспрессивті. эвф. Әйел, қатын-қалаш деген мағынада айтылады. Ұзын жалыңды көміp. геологиялық. Көміpлeнудің нақтылы дәpeжeсінe cәйкec кeлeтін, яғни мeтамоpфизмнің І cатысындай қалыптасқан таскөміp түpi. Ұзын жас берсін. тіле к. Ұзақ ғұмыр берсін, көп жасасын. Ұзын жол. Алыс жол, қиыр шет. Ұзын күнді мың бейнетпен өткізді. Әбден қиналды, бейнет шекті. Ұзын қоржын. этнографиялық. жергілікті сөз. Сыйлық, тарту. Ұзын құйрық субүркіт. зоологиялық. Құйрықтары ұзынша болып біткен субүркіттің түрі. Ұзын құлақ. а) эвф. қоян. ә) Біреуден біреуге жетіп, ел арасына тараған хабар. Ұзын омыртқа. анатомиялық. Арқа омыртқа мен бел омыртқаның аралығындағы омыртқа. Ұзын өріс қысқарып, кең қонысы тарылды. Өрісінен, қонысынан айырылды, жерінен ажырап қалды. Ұзын салқар. Ұзыннан-ұзақ, шұбатылған, шұбырған. Ұзын саны [ қарасы ]. Жалпы мөлшері, ұзын-ырғасы. Ұзын сонарға [ сүреге ] салынды [ түсті ]. Тез арада бітпей, ұзаққа созылды. Ұзын [ ұзақ ] сүре. Бірінен кейін бірі жалғасқан ұзақ сонар (әңгіме). Ұзын сызғанына жүріп, қысқа сызғанына көнді. жергілікті сөз. Еркіне көнді, айтқанымен жүрді. Ұзын толқын. физикалық. Ұзындығы тeңіз тepeңдігінeн eкi eсe асып түсeтін тeңіз толқыны. Ұзынынан көсілді. Ұзыннан-ұзақ созылды.