САЯТ
1омоним зат есім. 1. этнографиялық. Қазақ халқының байырғыдан қалыптасқан, асқан шеберлікті, құсты баули білу машығын қажет ететін қыран құстарды салып, аң аулау өнері. 2. ауыспалы мағына. Серуен, сейіл, қыдырыс. Саят құрды. а) Құс салып, аңға шықты. ә) Сейіл салды, серуендеді. Саят құстары. этнографиялық. Түлкі, қарсақ, қасқыр т.б. аңдарды, үйрек, қаз сияқты құстарды аулау үшін құсбегінің баулуымен ұядағы балапан кезінен қолға үйретіліп, аңшылыққа дағдыланған бүркіт т.б. сияқты іліп алатын және лашын т.б. сияқты теуіп алатын қыран құстар.