ЖЫЛДЫҚ
сын есім. 1. Белгілі бір жылға созылған. 2. Бір жылға жететін, жыл бойына керекті. 3. жергілікті сөз. Жыл. Жылдық ағынды. су шаруашылық. а) Өзен алабынан бір жыл ішінде ағып жиналатын судың мөлшері. ә) Су жинау немесе өзен алабын шектеуші тұстама арқылы бір жыл ішінде ағып өтетін су көлемі. Жылдық баға. педагогикалық. Оқушылардың жыл бойы алған білімін бағалау ретінде қойылатын, төрт тоқсандық бағаларының қосындысы мен емтихан бағасынан шығатын ортақ баға. Жылдық есептеме. экономикалық. Заңды тұлғаның (кәсіпорынның, бірлестіктің, ұйымның) есепті кезеңдегі өндірістікшаруашылық және қаржы қызметінің нәтижелері туралы бухгалтерлік құжаттар кешені. Жылдық жер. Атпен, арбамен, түйемен жүргенде жылға жуық жүретін, қашық жер. Жылдық жиынтық табыс. экономикалық. Салық төлеушінің жылдық табысы, оған жөнелтілген өнім, орындалған жұмыстар, көрсетілген қызметтер және салық төлеуші алуға тиіс (алған) заттар үшін үшінші бір тұлғаларға өзара есеп айырысу тәртібімен немесе тікелей және жанама шығыстарды өтеу үшін жіберілген ақшалай немесе басқа да қаражат. Жылдық жоспар. Бір жылға арналған, қаржы жылының аяғына дейінгі жоспар. Жылдық қабат. биологиялық. Өсімдікте ағаш сүрегінің өсу аймағы. Жылдық сынама. кен ісі. Тоқсандық сынамалардың жиынтық көрсеткіші.