АРНАУЛЫ
сын есім. 1. Арналған, әдейi дайындалған, арнайы әзірленген. 2. Өзіндік, өзіне ғана тән. 3. Арнайы бағытталған. 4. Тиістi, арнайы. 5. Мамандандырылған, салалық. // Ерекше, айрықша, бөлек. Арнаулы әскер. әскери сөз. Қарулы күштердің әскери және күнделіктi қажеттерін қамтамасыз ету үшін арнайы тапсырмаларды орындауміндеттелген әскери бөлімдер мен бөлімшелер. Арнаулы бақылау комиссиясы. әскери сөз. Орта радиус әрекеттi ядролық қару туралы келісімге сәйкес құрылған комиссия. Арнаулы барлау. әскери сөз. Ядролық зақым ошағы, жер дің, ауаның радиоактивтік, химиялық және бактериологиялық зақымдану сипаты туралы толық мәлімет алу үшін жүргізілетін барлау. Арнаулы білім. Белгілi бір iске, нақты салаға маманданған әртүрлi деңгейдегi біліктілік, дерек, ұғымдар жүйесi. Арнаулы білімдi. Арнайы білім беру жүйесінің жоғары деңгейінен төмен тұратын кәсіби бi-ліктi маман даярлайтын оқу орындарынан алы натын білімi бар. Арнаулы заң. философиялық. Қоршаған өмірдің белгілі бір шағын саласындағы байланыстардың ғана мәнін түсіндіретін заң. Арнаулы қоректік орта. биологиялық. Микроағзалардың жеке топтарын немесе түрлерін бөліп алу мақсатында дайындалатын қоректік орта. Арнаулы мақсаттағы әскер. әскери сөз. Диверсиялық барлау және террорлық әрекеттер жасауға, шетелдік аймақта немесе қарсылас тылында көтеріліс, насихат және қопару қимылдарын ұйымдастыруға, психологиялық соғыс жүргізуге арналған Қарулы күштердегi ерекше бөлімдер мен бөлімшелер. Арнаулы металлогения. геологиялық. Металдардың шағын тобының кеңістіктегi орна ласуы мен пайда болу мерзімінің заңдылықтарын қарастыратын металлогения бөлімi. Арнаулы оқу орындары. педагогикалық. Қоғамдық өмір дің түрлi салалары бойынша (өнеркәсіп, ауылшаруашылығы, денсаулық сақтау, мәдениет т.б.) орта дәрежелi мамандар даярлайтын колледждер. Арнаулы салық режімi. экономикалық. Салық төлеушілердің жекелеген санаттары үшін белгіленген және салықтардың жекелеген түр лерін есептеп, төлеудің, олар бойынша салық есептемесін берудің оңайлатылған тәртібін қолдануды көздейтін бюджетпен есеп айы рысудың ерекше тәртібi. Арнаулы функциялар. математикалық. Математикалық физика теңдеулерін интегралдағанда жиi кездесетін функциялар тобы. Арнаулы шегерім. экономикалық. Фирма ұзақ байланысқа түсетін және ерекше қатынастардың нысандары бар сатып алушыларға берілетін баға шегерімi. Арнаулы экономикалық аймақ. экономикалық. Капитал жұмсау және сауда үшін қолайлы жағдайлар жасайтын ерекше кеден, салық, валюта, еңбек т.б. тәртіптемелер қолданылатын шектеулi аймақ. Арнаулы электрметаллургия. кен ісі. Металл өте сапалы болып шығатын электрметаллургиялық процестердің жиынтығы.