ҮШ
1омоним санесім. 1. Екіден жоғары санесім. 2. педагогикалық. Оқушының білім дәрежесін анықтауда қойылатын қанағаттанарлық орташа баға. 3. этнографиялық. Үш санына киелі, мифтік дүниетанымда қараған көзқарас негізіндегі ұғым. Үш айлық бидай. жергілікті сөз. Бидайдың сорты. Үшақ түрлі өмір. этнографиялық. Адам ғұмырының жастық шағы, ағалық шағы, кәрілік шағы. Үш алаш. Үш жүз (Ұлы жүз, Орта жүз, Кiшi жүз). Үш ананың баласы. этнографиялық. бейнелі сөзқолданыс. Үш жүз. Үш арсыз. Тоқтау салу мүмкін емес, адамның еркіне бағына қоймайтын нәпсілерге дауа болмайды деген мағынада айтылады. Үш ауыз. Бір ауыз сөз, тоқетер. Үш аяқ келгір. жергілікті сөз. Сиырға айтылатын қарғыс сөз. Үш басы. жергілікті сөз. Шеті, тамтығы, қалдығы. Үш байлық. этнографиялық. Адам бақытына қажетті денсаулық, жақсы жар, дәулеттің жалпы атауы. Үш басып [ үшбасарлап ] тігу. қолөнер. Алғашқы екі жіпті көбейту амалының белгісі түрінде (Х) тігіп, соңғы үшінші жіпті соның белінен көлденең басып тігетін, нәтижесінде тең алты тармақ пішіні шығатын көркем тігіс. Үш бөлек. сөйлеу. Үш түрлі, үш жүйелі. Үш ғалам. Аспан әлемi, жер үстi, жер асты. Үш егіз. жергілікті сөз. Қойдың я ешкінің үшеу табуы, үшем. Үш есіктен өткізді. діни. Балалық шақта үш үйдің тәрбиесінен шықты. [ Мұхаммед пайғамбарымыздың әуелгі тәрбиені өз анасы Әмина мен сүт анасы Әлимадан алып, одан кейін бабасы Әбдімүтәліп, ағасы Әбутәліптердің қолында болғаны осылайша айтылады ]. Јш жақтады. Јшеуледі, үш кісі жабылды. Үш жоқ. Бір нәрсенің, заттың жаратылысында жоқты іздеуге болмайды деген мағынада айтылады. Үш жүз. этнографиялық. Ертедегі қазақ тайпаларының ұлыстық, әкімшілікаумақтық, шаруашылық жағынан құрылған тайпалық одағы. Үш жүз алпыс екі тамыры кепті [ суалды ]. Дәрмені таусылып, бітіп, емешесі құрыды. Үш жүздің серкесi. Елдің ардақты адамы. Үш көсе. жергілікті сөз. Бір арбаға үш пар аттың жегілуі. Үш күндік пәни. поэтикалық. Өтпелі қысқа өмір. Үш қабат. Қабат-қабат, қалың етіп. Үш қабатты тазарту. кен ісі. Төменгі анод қабаты 30-40% мыс қосылған алюминий балқыма, жоғарғысы – таза алюминий, екі қабат аралығында хлорлы барийдің алюминий және натрий фторидтерімен қоспасы бар электролит қабаты бар алюминийді электролитті тазалау. Үш қайнаса сорпасы қосылмайды. Ешқандай, ешбір қатысы жоқ. Үш қат бөз. Мәйітті жерлегенде орайтын кебін. Үш қиян. Үш өзеннің аралығын алып жатқан үлкен аймақ [ Жайық, ойыл, қиыл ]. Үш құмар. окказ. Аса ынтық, құштар болатын нәрселер. Үш қырыққан түйе. жергілікті сөз. Алдыңғы сегіз тісі түгел тегістелген 27 жастағы түйе. Үш метр. этнографиялық. а) Әйел адамға көйлектік тауар ретінде берілетін матаның өлшемі. ә) Қайтыс болған адам жерленген моланың өлшемі. Үш мүйіз болды. Үш топқа бөлінді, үш топ құрды (әскери шеп құрудың бір түрі). Үш мысқалдық. Титтей, мардымсыз. Үш өлшемдік кеңістік. Өлшемі үшке тең кеңістік. Үш сүю. этнографиялық. философиялық. Алланы, адамзатты, әділетті сүюді негіздеген Абай шығармашылығындағы діни сенімнің, жоғары ақылақтың асылы деп таныған адамгершілік қағидасы. Үш тап. этнографиялық. философиялық. Ақыл, жүрек, қайраттан тұратын адамның жан дүниесі. Үштен бірі. Санамалап бөлінбейтін нәрсені үшке шамалағандағы бір бөлігі. Үш тоғыз. этнографиялық. Әрқайсысы тоғыздан тұратын үш топ сыйлық (айып). Јш ұйықтаса [ да ] түсіне енген емес [ енбеген ]. Ойына еш кіріпшықпаған, мүлдем ойламаған, күтпеген. Үш ұйықтаса ойында жоқ. Мүлде ойламаған, күтпеген. Үш ұйықтаса да түсіне кірмеді [ өңі түгіл түсіне де кіріп шықпады ]. Бұлай болады деп ойламады, мүлде күтпеді.