ӨТПЕЛІ
сын есім. 1. Бірінен біріне өтуге болатын, ауыспалы. 2. ауыспалы мағына. Тез ұмыт болатын, өткінші. 3. Өткінші, тұрақты емес, тұрақтамайтын. Өтпелi батпақтар. суша p. Өсімдік жамылғысына және оларды қоректендіретін сулардың минералдылығына қарағанда ойпаңдық және беткейлік батпақтардың екi ортасындағы аралық сипатқа ие батпақ түрi. Өтпелі белдем. экологиялық. Табиғат жүйeлepi тұpақсыз күйдe болатын ландшафт бeлдeмдepінің аpасындағы шeгаpалық жолақ. Өтпелі дәуір. тарихи. Қоғамның бір құрылыстан екінші құрылысқа аяқ басқандағы аралық кезеңі, жаңа қатынастардың толық орнықпай, ескі қатынастардың бұзылған шағындағы ауыр ауыспалы кезең. Өтпелі кезең. а) психол. Адам өмірінің жасөспірім шақтан бозбала, бойжеткен шаққа өтуі, балалықтан ересек өмірге аяқ басқан аралығы. ә) экономикалық. Экономикалық жүйенің түбегейлі реформаларына байланысты ел экономикасы жаңа, сапалық өзге күйге көшетін уақыт кезеңі. Өтпелі қисық сызық. физикалық. Топырақтың кеуектілік көрсеткіші мен топырақ сығылуы кезінде оның бір жаққа ұлғаюын болдырмайтын қысымның арасындағы байланыс. Өтпелі турнир. спорт. Төменгі топтан жоғары топқа өту үшін іріктеу ойындары.