АЛПЫС
санесім. 1. Алпыс бірліктен тұратын сан; 60 цифры мен санының атауы. 2. Адамның алпыс жасы. Алпыс алапан, тоқсан торала. Қыран құстың түртүрi. Алпыс екi [ алты ] айлалы. Алуан түрлi қулығы бар, сан түрлi әдісi бар, өте айлалы. Алпыс екі айлалы [ қу ] түлкі. фольклор. Қазақ ертегілері, аңыздарында аңның ішіндегі айлакері ретінде бейнеленген, бағалы терісі үшін ауланатын, табиғатында аңшыға өзін тез ұстатпайтын, ізін жасырып, шимайлап кететін ақылды аң. Алпыс екi тамыр [ cала ]. Адамның тұла бойындағы қан жүретін жолдың бері, жан сезімi. Алпыс екi тамыры иідi [ босады ]. Буынбуыны босады, иідi, көңілi жібідi, елжіреп, мейірі түсті. Алпыс екi тамырын [ денесін, өне бойын ] балқытты. Рақаттандырды, жандүниесін елжіреттi, жандүниесін босатты. Алпыс екi тамырын қуалады. Өн бойына тарады, бүкіл денесіне жайылды. Алпыс күн атан болғанша.... Көптің бірi болғанша, бірқалыпты жүре бергенше. Алпыстың асуы. Алпыстан асқан шақ.