ТӨМЕНГІ
сын есім. 1. Астыңғы, бір нәрсенің астында орналасқан. 2. Еңісте орналасқан, ылдида жатқан. 3. Төменде көрсетілген, кейінгі. Төменгі дeңгeй. су шаруашылық. Ағын cудағы cудың eң төмен дeңгeйi. Төменгі ендіктер. географиялық. Жер шарының, шамамен, 40° солтүстік және оңтүстік ендіктері аралығында орналасқан тропиктік және субтропиктік атыраптардың шартты атауы. Төменгі индекс. информатикалық. Берілген жолдың символдарынан біршама төмен орналасқан мәтін бөлігі. Төменгі класс [ сынып ]. Бастауыш сынып. Төменгі көміртекті болат. Көміртектің мөлшері 0,25%-дан аз болатын көміртекті болат. Төменгі регистр. информатикалық. Ағылшын алфавиттеріне сәйкес келетін пернетақтаның қалыпкүйі. Төменгі саты. Дамудың ең алғашқы, қарапайым деңгейі. Төменгі сатыдағы өсімдіктер. ботаникалық. Вегетативті денесі тамырға, сабаққа, жапыраққа бөлінбейтін, құрылысы қаттамалы өсімдіктер. Төменгі табалдырық. кен ісі. Тұтқыр құраушының мөлшері 10%-дан артық болмайтын балқыма температурасы. Төменгі төрттаған. спорт. Балуанның тізерлеп отырып білектерін кілемге тіреп тұрған күйі.