СЫРТЫНАН
үстеу. Бетіне, өзіне емес, сырттай. Сыртынан әңгіме қылды. Өсектеді, бетіне емес, сырттай сөз қылды. Сыртынан бақты. Қалай болады екен деп байқастады. Сыртынан дұшпан сескенді. Қаһарлы, айбынды, айбарлы батыр тұлғасы туралы. Сыртынан естимін. Біреумен жақын танысбілісім жоқ, өзгелердің айтуына қарағанда деген мағынадағы сөзқолданыс. Сыртынан есітті. Ізінен емес, басқа біреулер арқылы естіп білді. Сыртынан күлді. Мысқылдады, мазақ етті. Сыртынан күңкіл жасады. Көзінше айтпай, сырттай ренішін білдірді, сөз таратты, өсек айтты. Сыртынан мақтанды. Өзі жоқ жерде, жақсылығын айтты, сүйсіне айтты. Сыртынан малданды. Қолы ештемеге жетпесе де, көңілін тоқ ұстады. Сыртынан өсектеді. Бетіне айта алмай, сыртынан өсекке қосты, сөз етті. Сыртынан сатып кетті. Жалған дос болып, опасыздық жасады. Сыртынан семірді. Сырттай мәз болды, сырттай малданды. Сыртынан табалады. Көре алмайтынын білдірді, сол керек деді. Сыртынан [ сырттан ] тон пішті. Аныққанығына көзі жетпей, құр долбарлады.