АЛАШ
1омоним зат есім. 1. тарихи. Ежелгi қазақ тайпаларының ең алғаш қауым болып біріккен одағы, «қазақ» деуден бұрынғы елдің жалпы аты. 2. Қазақ, қазақ ұлты. 3. Қалың ел, жалпақ жұрт, халық. 4. қоғ. саяси. Қазақтың ұлтжанды оқығандарына, зиялыларына, қайраткерлеріне Кеңес өкіметi жылдарындағы жамалған жағымсыз атау. Алаш билігi. Ұлт билігi, басшылығы. Алаш елi. Қазақ жұрты, барша қазақ қауымы. Алаш көсемдерi. Алашорда басшылары. Алашқа [ алты алашқа ] аян. Бүкіл қазаққа әйгілi, белгілi. Алаш қозғалысы. тарихи. қоғ. саяси. 20 ғ. алғашқы ширегінде Ресей империясының отарлық билік жүйесіне қарсы бағытталған ұлт-азаттық қозғалыс. Алаш мыңы. тарихи. Хv-хvi ғғ. қазақ халқының атауы, этноним. Алаш партиясы. тарихи. қоғ. саяси. Қазақтың тұңғыш ұлттықдемократиялық партиясы. Алаш туы астында. Бiр жерде, туған елде бір мақсатты ұстағанда. Алаштың азаматы. Ел азаматы, азамат, ер жігіт. Алаштың ардагерi. Аты алашқа танылған дара тұлға, қаһарман. Алаштың [ алты алаштың ] баласы. Қазақ, қазақ елi, ұлт азаматы. Алаштың ордасы. Алашорда. Алаш ұлы. Алаштың азаматы, халықтың еразаматы.