БИДАЙ
зат есім. 1. Астық тұқым дас өсімдіктер туысына жататын шөптесін өсімдіктер туысы. 2. Ең маңызды тағамдық дақыл дәнi. Бидай жармасы. тамақ өнеркəсібі. Бүтін және жарылған бидайдан алынатын ұнтақ, азықтық өнім. Бидай көже. тамақ өнеркəсібі. Келіге түйіліп кебегі алынған, аздап жармаланған бидай дәндері етпен бірге қайнатып пісірілетін көженің түрі. Бидай наны. тамақ өнеркəсібі. Бидай ұнына су, ашытқы, тұз, кейде қант, май, сірне, сүт, дәмдеуіштер қосып илеп, ашытып пісірілген тамақ өнімi. Бидай өң. Аққұба, ашаң жүз. Бидай өңдi. Аққұба, ашаң жүздi. Бидай ұны. тамақ өнеркəсібі. Диірменге тартылған бидайдың ақ ұлпа ұнтағы, азықтық өнім, наубайхана, макарон және кондитер өндірістерінің негізгi шикізаты. Бидай шашқан егінге ермен шықты. Жақсылық орнына жамандық, арамдық, керек емес нерсе келді.