ӘЙЕЛ
[ ир. ] зат есім. 1. Адам баласының ұрғашы жыныстылары. 2. Жұбай, зайып, ер адамның қосағы. 3. көнерген сөз. Тұрмыс құрмаған қызбала, қыз. Әйел адам. Әйел жынысты кісi. Әйел алды. Отбасын құрды, үйлендi. Әйел аурулары. медициналық. Әйел ағзасының анатомиялықфизиологиялық ерекшеліктеріне байланысты аурулар. Әйел әпердi. Үйлендірдi, үйлi-жайлы еттi. Әйел бала. Тұрмыс құрмаған әйел адам, қызбала. Әйел баласы [ заты, атаулы ]. Әйел біткен, әйел атаулы Әйел басымен. сөйлеу. Заты, табиғаты, жаратылысы әйел екеніне қарамастан. Әйел бостандығы. қоғ. саяси. Қоғамдағы әйел адамдардың ер адамдармен бірдей, тең дәрежедегi әрекет жасау еріктілігi, құқықтық мүмкіндігi. Әйел біткен. Әйелдердің барлығы. Әйел дауысты. Нәзік, жіңішке үндi. Әйелдер дәрігерi. медициналық. Әйел ауруларын емдейтін маман. Әйел еңбегi. қоғ. әлеум. Әйелдердің сипаты мен формасы қоғамның әлеуметтік құрылысына байланысты айқындалатын өндіріс процесіне қатысуы. Әйел жолы жіңішке. сөйлеу. Қыздың жолы жіңішке. Әйел киімдерi. Әйел жыныстыларға арналған киімкешек. Әйел қолы. бейнелі сөзқолданыс. Үй иесi, келін ретіндегi үй шаруасымен айналысатын әйел адам. Әйел табы. қоғ. ә л еу м. Қандай да бір құрылыстағы қоғамның дамуы мен қалыптасуында өзіндік рөлi бар оның мүшелерi болып табылатын әлеуметтік топ ретіндегi әйелдер қауымы. Әйел тастады. сөйлеу. Зайыбынан ажырасты, айырылысты. Әйел теңдігi. қоғ. саяси. Кеңес өкіметi тұсында көп әйел алушылыққа, қалыңмалға, әмеңгерлік сияқты т.б. дәстүрлi қазақ қоғамындағы әйелге қатысты салттарға қарсы, әйелдің қоғамдық өмірге ерлермен бірдей араласуын насихаттауға негізделген қоғамдыққұқықтық мәселе. Әйелін төркіндеттi. этнографиялық. Зайыбын туғантуыстарына, ағайынжұртына апарды, қыдыртты. Әйелi ұл [ бала ] тапқандай қуанды [ сүйіндi ]. этнографиялық. Өте қатты қуанды, мәз болды, шаттанды. Әйел эмансипациясы. қоғ. әлеум. Қоғамдық және отбасылық өмір мен еңбекте әйелдерге ерлермен бірдей құқық беру.