ҚҰЖАТ
[ араб тілі. ] зат есім. 1. Қандай да бір фактіні немесе әлдебір нәрсе жөніндегі құқықты қуаттайтын ісқағаз. 2. Заңдық құқы бар жеке басты куәландыратын жазбаша төлқұжат. 3. Белгілі бір тарихи оқиғаны растайтын жазбаша куәлік. 4. Белгілі бір деректерді ақпарат сақтаушыда (қағазда, фотожарғақта, магниттік дискіде) көрсететін, ресми сипатта пайдаланылуға немесе кейіннен өңделуге және жолданушысына берілуге тиіс жазбаша куәлік. Құжат деректемелері. Қолданыстағы ережелерде немесе заңда көзделген құжаттар үшін міндетті, құжатты жарамды деп тану үшін онда берілуге тиіс мәліметтер.