ТОПТЫҚ
сын есім. 1. Белгілі бір адамдар тобына тән. 2. Кешенді, тораптық. Топтық адаптер. информатикалық. Компьютердің мәліметтерді жеткізетін бірнеше желілермен байланысын және оның қашықтағы көптеген тұтынушылармен жұмыс істеуін ұйымдастыратын көп арналы құрылғы. Топтық атау. информатикалық. а) Топтық мәліметке телінетін атау; ә) Бір типті құрылғылар тобына телінетін атау. Топтық ауатаратқышкен. Сығылған ауаның тұтыну орнына тікелей жақын орналастырылатын тұмшаланған металл ыдыс [ Осы арқылы бір мезгілде бірнеше бұрғы машинасы бір құбыр өткізгішке қосылады және ол майды, суды бөліп алудың соңғы сатысы болып табылады ]. Топтық бомба тастау. әскери сөз. Ұшақтар тобының нысанына бір ұрыстық ретпен шабуылдап, оған үздіксіз бомба жаудырып жоятын, сондай-ақ өз қатарының қорғаныстық қабілетін қамтамасыз ететін бомбалаудың бір түрі. Топтық жаттығу. әскери сөз. Офицерлер құрамының оперативтік және тактикалық дайындығының нысаны. Топтық желі. информатикалық. Терминалдармен, шоғырлауыштармен және компьютермен жалғанған байланыс желісі. Топтық жылдамдық. физикалық. Гармониялық емес толқындардың таралуын сипаттайтын жуық шама; кеңістікте уақыттың әрбір мезетінде белгілі бір көлемде шектелген толқындар түйдегін құратын толқындар тобының немесе тізбегінің қозғалыс жылдамдығы. Топтық қару. әскери сөз. Ұрыста тұтас топ (есептоп), екі немесе одан да көп адам қызмет көрсететін қару (артиллериялық қару, пулемет және тағы басқа.). Топтық май құюшы. әскери сөз. Бір уақытта бірнеше әскери техникаға май құятын жиналмалыбөлшектемелі және жылжымалы құралжабдықтар кешені. Топтық операция информатикалық. Топтық мәліметтерменжиымдармен және құрылымдармен орындалатын операция. Топтық сабақ. әскери сөз. Оқыпүйренілетін теориялық білімдерді бекіту және практикалық іс-қимыл дағдысын дарыту мақсатында жүргізілетін сабақ [ Үйренушілер бір топқа жиналып, командирдің жетекшілігімен белгіленген бір лауазымдық адамның ісқимылын орындайды ]. Топтық хабар. информатикалық. а) Байланыс желісі бойынша берілетін бір хабарға біріктірілген хабарлар жиыны (дестесі). ә) Бірден артық абонентке жіберілетін хабар. Топтық ықпалдастық. педагогикалық. Топішілік қатынас бірлігі, ортақ құндылықтар, өзара қарымқатынастарды тиімділеу мәселелерін реттеу, құрылымдау процесі. Топтық іс-әрекет. педагогикалық. Адамдардың ісәрекетіне, топқа кіретін әлеуметтік және әлеуметтікпсихологиялық феномен, қарым-қатынас нәтижесі. Топтық ядролық соққы. әскери сөз. Қарсыластың бір немесе бірнеше объектісіне бір мезгілде бірнеше ядролық соққы беру.